ബെംഗളൂരു: മുഖ്യമന്ത്രി സിദ്ധരാമയ്യയ്ക്കെതിരെ അധിക്ഷേപകരമായ പോസ്റ്റ്; ക്ഷേത്രപൂജാരി അറസ്റ്റിൽ. ശ്രീരാഘവേന്ദ്രസ്വാമി സേവാസമിതിയുടെ കീഴിലുള്ള ഗണപതിക്ഷേത്രത്തിലെ പൂജാരി ഗുരുരാജ് ആചാരാരെയാണ് അറസ്റ്റ് ചെയ്തത്.
ബുക്കർ സമ്മാന ജേതാവ് ബാനു മുഷ്താഖിനെ ഇത്തവണത്തെ മൈസൂരു ദസറ ഉദ്ഘാടനംചെയ്യാൻ ക്ഷണിച്ചതിനെക്കുറിച്ച് ഓൺലൈൻ ചാനലിലാണ് മുഖ്യമന്ത്രിയെക്കുറിച്ച് മോശം പരാമർശംനടത്തിയത്. സംഭവത്തിൽ കേസെടുത്ത കെങ്കേരി പോലീസ് പിന്നീട് ഇദ്ദേഹത്തെ ബെംഗളൂരുവില് വച്ച് അറസ്റ്റുചെയ്യുകയായിരുന്നു.
അതേസമയം സമിതിയുടെ ക്ഷേത്രത്തിൽനിന്ന് നേരത്തേതന്നെ ഗുരുരാജിനെ പുറത്താക്കിയിരുന്നതാണെന്ന് ശ്രീരാഘവേന്ദ്രസ്വാമി സേവാസമിതി വ്യക്തമാക്കി. സമിതിയുടെ ക്ഷേത്രവുമായി നിലവിൽ ഇദ്ദേഹത്തിന് ഒരു ബന്ധവുമില്ല. മുഖ്യമന്ത്രിയെക്കുറിച്ചുള്ള പരാമർശം പ്രതിഷേധാർഹമാണെന്നും സമിതി വ്യക്തമാക്കി.
SUMMARY: Temple priest arrested for abusive post against CM Siddaramaiah
WhatsApp
Telegram
