ബിഎംടിസി ബസും ബൈക്കും കൂട്ടിയിടിച്ച് അപകടം; മൂന്ന് പേർക്ക് പരുക്ക്

ബെംഗളൂരു: ബിഎംടിസി ബസും ബൈക്കും കൂട്ടിയിടിച്ചുണ്ടായ അപകടത്തിൽ മൂന്ന് പേർക്ക് പരുക്കേറ്റു. കെ.ആർ മാർക്കറ്റ് ഫ്ലൈഓവറിനു സമീപമാണ് അപകടമുണ്ടായത്. കെംഗേരിയിൽ നിന്ന് മജസ്റ്റിക്കിലേക്ക് പോകുകയായിരുന്ന ബസ് ആണ് അപകടത്തിൽ പെട്ടത്.

അമിതവേഗതയിൽ വന്ന ബൈക്ക് എതിർദിശയിൽ നിന്ന് വന്ന ബസിലേക്ക് ഇടിക്കുകയായിരുന്നു. ഇതോടെ നിയന്ത്രണം വിട്ട ബസ് പുറകിലുണ്ടായിരുന്ന മറ്റൊരു ബൈക്കിലേക്കും ഇടിച്ചു. അപകടത്തിൽ ബൈക്കിലുണ്ടായിരുന്ന മൂന്ന് യുവാക്കൾക്കാണ് പരുക്കേറ്റത്.

അപകടം നടന്നയുടൻ ബസ് റോഡിൽ ഉപേക്ഷിച്ച് ഡ്രൈവർ ഓടി രക്ഷപ്പെട്ടു. സംഭവത്തെ തുടർന്ന് മാർക്കറ്റ് ഫ്ലൈഓവറിൽ ഗതാഗതക്കുരുക്ക് അനുഭവപ്പെട്ടു. പിന്നീട് ട്രാഫിക് പോലീസ് എത്തിയാണ് റോഡിൽ ഗതാഗതം പുനസ്ഥാപിച്ചത്. സംഭവത്തിൽ കെആർ മാർക്കറ്റ് പോലീസ് കേസെടുത്തു.

TAGS: BUS ACCIDENT
SUMMARY: Three injured after bmtc bus collides with bike