പാലക്കാട്: ഷൊര്ണൂരില് നിന്നും കാണാതായ പത്താം ക്ലാസ് വിദ്യാര്ഥിനികളെ കണ്ടെത്തി.കോയമ്പത്തൂരില് നിന്നാണ് മൂന്നു വിദ്യാര്ഥിനികളെയും കണ്ടെത്തിയത്. പെണ്കുട്ടികളില് രണ്ടു പേര് പാലക്കാട് ഷൊര്ണൂര് നിവാസികളും ഒരാള് ചെറുതുരുത്തി ദേശമംഗലം സ്വദേശിനിയും ആണ്. ഇന്നലെ രാത്രിയോടെയാണ് വിദ്യാര്ഥിനികളെ കണ്ടെത്തിയത്.
ഷൊര്ണൂര് സെന്റ് തെരേസ കോണ്വെന്റില് പത്താം ക്ലാസ് പരീക്ഷയെഴുതിയവരാണ് മൂന്നുപേരും.ദേശമംഗലത്തുള്ള സഹപാഠിയായ വിദ്യാര്ഥിനിയെ കാണാനെന്ന് പറഞ്ഞാണ് ഇവര് വീട്ടില് നിന്നും പോയത്.
പരീക്ഷയില് മാര്ക്ക് കുറയുമെന്ന ഭയത്തിലാണ് വിദ്യാര്ഥിനികള് വീട് വിട്ടിറങ്ങിയതെന്നാണ് പ്രാഥമികമായി ലഭിക്കുന്ന വിവരം.മൂന്ന് കുട്ടികളും സുരക്ഷിതരെന്ന് പോലീസ് അറിയിച്ചു. കണ്ടെത്തിയ കുട്ടികളെ രക്ഷിതാക്കൾക്ക് കൈമാറി. കുട്ടികളുടെ മാനസികനില വിലയിരുത്തുന്നതിനും ആവശ്യമെങ്കിൽ കൗൺസലിംഗ് നൽകുന്നതിനുമുള്ള നടപടികൾ ആരംഭിച്ചിട്ടുണ്ട്.
<BR>
TAGS : MISSING CASE | PALAKKAD
SUMMARY: Three missing Class 10th students found in Coimbatore
