ബെംഗളൂരു: ഈദ് മിലാദ്-ഉൻ-നബി ആഘോഷങ്ങളുടെ ഭാഗമായി ഓഗസ്റ്റ് 26 ന് ബുധനാഴ്ച ബെംഗളൂരുവിൽ ഉച്ചയ്ക്ക് 12 മുതൽ രാത്രി 11 വരെ വിവിധ റോഡുകളിൽ ഗതാഗത നിയന്ത്രണവും വഴിതിരിച്ചുവിടലും ഏർപ്പെടുത്തുമെന്ന് ബെംഗളൂരു ട്രാഫിക് പൊലീസ് അറിയിച്ചു. നൃപതുംഗ റോഡിലെ വൈ.എം.സി.എ ഗ്രൗണ്ടിലാണ് പ്ര ധാന സമ്മേളനം നടക്കുക. നഗരത്തിന്റെ വിവിധ ഭാഗങ്ങളിൽ നിന്ന് അലങ്കരിച്ച വാഹനങ്ങളും ഘോഷയാത്രകളും ഉച്ചയ്ക്ക് 12 മുതൽ രാത്രി 11 വരെ ഇവിടേക്ക് എത്തുന്നതിനാലാണ് നിയന്ത്രണം.
ജെ.സി റോഡ്, ആർ.ആർ.എം.ആർ റോഡ്, കസ്തൂർബ റോഡ്, ദേവാംഗ റോഡ്, മല്ല്യ ആശുപത്രി റോഡ്, കെ.ജി റോഡ്, നൃപതുംഗ റോഡ് എന്നിവിടങ്ങളിൽ ഗതാഗതത്തെ ബാധിക്കും. വടക്കൻ ബെംഗളൂരുവിൽ ആർ.ടി. നഗർ മെയിൻ റോഡ്, ദിന്നൂർ മെയിൻ റോഡ്, ജയമഹൽ റോഡ്, നാഗവാര മെയിൻ റോഡ്, ടാനറി റോഡ്, ഹെയിൻസ് റോഡ്, മില്ലേഴ്സ് റോഡ് എന്നിവിടങ്ങളിലും നിയന്ത്രണമുണ്ടാകും.
മൈസൂരു റോഡിൽ നിന്ന് മജസ്റ്റിക്കിലേക്കും കെ.ആർ. മാർക്കറ്റിലേക്കും പോകുന്ന വാഹനങ്ങൾക്ക് പ്രത്യേക വഴിതിരിച്ചുവിടൽ ഏർപ്പെടുത്തിയിട്ടുണ്ട്. നയണ്ഡഹള്ളി, നഗരഭാവി, ചന്ദ്ര ലേഔട്ട്, ആർ.പി.സി ലേഔട്ട്, വിജയനഗർ, ടോൾഗേറ്റ്, പ്രസന്ന ജംഗ്ഷൻ തുടങ്ങിയ വഴികളിലൂടെ വാഹനങ്ങൾ തിരിച്ചുവിടും.
അതോടൊപ്പം ദൊഡ്ഡബെലെ, ഹൊസകെരെഹള്ളി ടോൾ, നഗരഭാവി, മാഗഡി മെയിൻ റോഡ് വഴി ബെംഗളൂരുവിലേക്ക് പ്രവേശിക്കുന്ന ഭാരവാഹനങ്ങൾക്കും ഉച്ചയ്ക്ക് 12 മുതൽ രാത്രി 11 വരെ നിയന്ത്രണമുണ്ടാകും.
SUMMARY: Traffic control in Bengaluru tomorrow
