ഡൽഹി: ഉദയകുമാർ ഉരുട്ടിക്കൊല കേസില് പ്രതികളായ പോലീസുകാരെ വിട്ടയച്ചതിനെതിരെ സുപ്രീംകോടതിയില് സിബിഐ അപ്പീല് സമർപ്പിച്ചു. ഫോര്ട്ട് പോലീസ് സ്റ്റേഷനില് വച്ച് ക്രൂരമായ കസ്റ്റഡി പീഡനം ഉണ്ടായതിനെ തുടർന്നാണ് ഉദയകുമാർ കൊല്ലപ്പെട്ടതെന്നാണ് സിബിഐ വാദം. പ്രതികള് പോലീസുകാരായതിനാല് ശിക്ഷ അനിവാര്യമാണെന്നും സിബിഐയുടെ അഭിഭാഷകൻ വ്യക്തമാക്കി. സിബിഐ അപ്പീലില് പ്രതികളായ പോലീസുകാർക്ക് സുപ്രീംകോടതി നോട്ടീസ് അയച്ചു.
സ്റ്റേഷനില് ഉദയകുമാറിനെ പോലീസുകാര് ഉരുട്ടിക്കൊന്ന കേസില് എല്ലാ പ്രതികളെയും ഹൈക്കോടതിയാണ് വെറുതെ വിട്ടത്. അന്വേഷണത്തില് സിബിഐ ഗുരുതര വീഴ്ച വരുത്തിയെന്ന് കണ്ടെത്തിയായിരുന്നു കോടതി വിധി. ഏറെ കോളിളക്കം സൃഷ്ടിച്ച ഉദയകുമാര് ഉരുട്ടിക്കൊലക്കേസില് സിബിഐ പ്രത്യേക കോടതി വിധിച്ച വധശിക്ഷ ഉള്പ്പെടെയാണ് ഹൈക്കോടതി റദ്ദാക്കിയത്. ഒന്നാം പ്രതി കെ ജിതകുമാറിന്റെ വധശിക്ഷയാണ് റദ്ദാക്കിയത്. രണ്ടാം പ്രതി എസ് വി ശ്രീകുമാറിനും 2018 ല് വധശിക്ഷ വിധിച്ചെങ്കിലും അര്ബുദബാധയെ തുടര്ന്ന് 2020 ല് മരിച്ചു.
കൊലക്കുറ്റം, ക്രൂരമര്ദ്ദനം, ഗൂഢാലോചന തുടങ്ങിയ കുറ്റങ്ങള് തെളിഞ്ഞതിനെ തുടര്ന്നായിരുന്നു വധശിക്ഷ. ഉരുട്ടിക്കൊലയ്ക്ക് ശേഷം തെളിവ് നശിപ്പിക്കുകയും വ്യാജരേഖ ചമച്ച് ഉദയകുമാറിനെതിരെ കള്ളക്കേസുണ്ടാക്കുകയും ചെയ്തതിന് സിബിഐ പ്രത്യകേ കോടതി മൂന്നു വര്ഷം തടവും പിഴയും വിധിച്ച മുന് എസ്പിമാരായ ഇകെ സാബു, ടികെ ഹരിദാസ്, അന്ന് എസ്ഐയിയായിരുന്ന ടി അജിത്കുമാര് എന്നിവരെയും ഹൈക്കോടതി വെറുതെ വിട്ടിരുന്നു.
SUMMARY: Udayakumar lynching case; CBI files appeal in Supreme Court
