ചേലക്കര: ചേലക്കര ഉപതിരഞ്ഞെടുപ്പിൽ എൽഡിഎഫ് സ്ഥാനാർഥി യു ആര് പ്രദീപ് വിജയിച്ചു. 12,122 വോട്ടുകളുടെ ഭൂരിപക്ഷത്തിൽ യു ആർ പ്രദീപ് വിജയിച്ചു. 64,259 വോട്ടുകളാണ് എൽഡിഎഫ് സ്ഥാനാർഥിക്ക് ലഭിച്ചത്. കോൺഗ്രസ് സ്ഥാനാർഥി രമ്യ ഹരിദാസിന് 52,137 വോട്ടാണ് ലഭിച്ചത്. അഞ്ച് മാസങ്ങള്ക്ക് മുന്പ് നടന്ന ലോക്സഭാ തിരഞ്ഞെടുപ്പിലെ ഫലവുമായി താരതമ്യം ചെയ്താല് എല്ഡിഎഫിന് ഇത് വമ്പിച്ച മുന്നേറ്റമാണ്. കഴിഞ്ഞ ലോക്സഭ തിരഞ്ഞെടുപ്പില് രാധാകൃഷ്ണന് ആലത്തൂർ മണ്ഡലത്തില് നിന്നും വിജയിച്ചതോടെയാണ് ചേലക്കരയില് ഉപതിരഞ്ഞെടുപ്പിന് വഴി ഒരുങ്ങിയത്. മുന് എംഎല്എ യുആർ പ്രദീപിനെ എല്ഡിഎഫ് വീണ്ടും രംഗത്ത് ഇറക്കിയപ്പോള് രമ്യ ഹരിദാസ് യുഡിഎഫിൻ്റെ സാരഥിയായി. ബിജെപിക്ക് വേണ്ടി കെ ബാലകൃഷ്ണനും മത്സരിച്ചു.
ഭരണവിരുദ്ധ വികാരമില്ലെന്ന് മാത്രമല്ല 11000 കടന്ന ലീഡ് നില ഇടത് കോട്ടയെ ഒന്നുകൂടി ഊട്ടിഉറപ്പിച്ചു. 1996 മുതല് തുടർച്ചയായി സിപിഎം വിജയിക്കുന്ന മണ്ഡലത്തില് കഴിഞ്ഞ തവണ കെ രാധാകൃഷ്ണന് വിജയിച്ചത് 39400 വോട്ടിൻ്റെ ഭൂരിപക്ഷത്തിലാണ്. 2016ൽ യു.ആർ. പ്രദീപ് തന്നെ ഇവിടെ ജയിച്ചത് 10,200 വോട്ടിന്റെ ഭൂരിപക്ഷത്തിലാണ്. അതു മറികടക്കാൻ ഇത്തവണ സാധിച്ചു.
<bR>
TAGS : BYPOLL RESULT
WhatsApp
Telegram
