വയനാട് ഉരുള്പൊട്ടലില് ഇനി കണ്ടെത്താനുള്ളത് 119 പേരെയെന്ന് കണക്കുകള്. അതേസമയം ഡി എൻഎ ഫലം ലഭിച്ചതോടെയാണ് കാണാതായവരെ സംബന്ധിച്ച കൂടുതല് വിവരങ്ങള് പുറത്ത് വന്നത്. നേരത്തെ സർക്കാർ കണക്കുകള് പ്രകാരം 128 പേരാണ് കാണാതായവരുടെ പട്ടികയില് ഉള്പ്പെട്ടിരുന്നത്.
അധികൃതർ ഡിഎൻഎ പരിശോധനയിലൂടെ മൃതദേഹം തിരിച്ചറിയുന്നതിനൊപ്പം കാണാതായവരുടെ പട്ടിക പുതുക്കാനാകുമെന്നും നേരത്തെ അറിയിച്ചിരുന്നു. 401 ഡിഎൻഎ പരിശോധനകളാണ് ഓഗസ്റ്റ് 14 വരെ നടന്നത്. അതില് ചിലവരുടെ അഴുകിയ ശരീരഭാഗങ്ങളുടെ ഡിഎൻഎ പരിശോധനാഫലങ്ങള് ലഭിക്കാൻ വൈകിയിരുന്നു. തുടർന്ന് അവരുടെ ഡിഎൻഎ ബന്ധുക്കളുടെ ഡിഎൻഎയുമായി ഒത്തുനോക്കിയാണ് ആളുകളെ തിരിച്ചറിയാൻ കഴിഞ്ഞത്.
TAGS : WAYANAD LANDSLIDE | DNA | DEADBODY
SUMMARY : Wayanad disaster: DNA results of the dead have started, 119 people are yet to be identified
WhatsApp
Telegram
