ഓടിക്കൊണ്ടിരുന്ന ഇലക്ട്രിക് സ്കൂട്ടറിന് തീപിടിച്ചു

ബെംഗളൂരു: ബെംഗളൂരുവിൽ ഓടിക്കൊണ്ടിരുന്ന ഇലക്ട്രിക് സ്കൂട്ടറിന് തീപിടിച്ചു. ആർആർ നഗറയിലെ ബിഇഎംഎൽ ലേഔട്ട് റോഡിലാണ് സംഭവം. ശിവാനന്ദ് എന്നയാളുടെ സ്കൂട്ടറാണ് കത്തിനശിച്ചത്.

ശിവാനന്ദ് തൻ്റെ സ്‌കൂട്ടറിൽ വീട്ടിൽ നിന്ന് ആർആർ നഗറിലെ ഓഫീസിലേക്ക് പോകുമ്പോഴായിരുന്നു സംഭവം. സ്കൂട്ടറിൽ നിന്ന് പുക ഉയരുന്നത് ശ്രദ്ധയിൽപ്പെട്ടതോടെ ശിവാനന്ദ് വാഹനം ഉടൻ നിർത്തി. പെട്ടെന്ന് തന്നെ വാഹനത്തിനു തീപിടിക്കുകയായിരുന്നു. നാട്ടുകാർ ഉടൻ ബാറ്ററി ഊരിമാറ്റി വെള്ളം ഒഴിച്ച് തീയണച്ചതിനാൽ കൂടുതൽ അപകടം ഒഴിവായി. ആർആർ നഗർ പോലീസ് സംഭവത്തിൽ കേസെടുത്തു.

TAGS: BENGALURU | FIRE
SUMMARY: Electric scooter catches fire on road in RR Nagar