കോഴിക്കോട്: താമരശേരിയില് നിന്ന് കഴിഞ്ഞ ദിവസം കാണാതായ എട്ടാം ക്ലാസ് വിദ്യാർഥിനി ബന്ധുവായ യുവാവിനൊപ്പം തൃശ്ശൂരിലെ ലോഡ്ജിലെത്തിയതിന്റെ സിസിടിവി ദൃശ്യങ്ങള് പുറത്ത്. കഴിഞ്ഞ ചൊവ്വാഴ്ച്ചയാണ് പതിമൂന്നുകാരിയെ കാണാതായത്. ഇതിന് ശേഷം പതിനാലാം തീയതിയാണ് തൃശൂർ കെ.എസ്.ആർ.ടി.സി ബസ് സ്റ്റാൻഡിന് സമീപത്തെ ലോഡ്ജില് എത്തിയത്.
മുറിയെടുക്കാനായാണ് യുവാവും പെണ്കുട്ടിയും ലോഡ്ജിലെത്തിയത്. എന്നാല്, ഇരുവരും തിരിച്ചറിയല് രേഖ നല്കാൻ തയ്യാറാകാത്തതിനാല് റൂം നല്കിയിരുന്നില്ല. ഇതിന് ശേഷമാണ് ലോഡ്ജ് ജീവനക്കാർ പെണ്കുട്ടിയെ കാണാനില്ലെന്ന വാർത്ത കാണുന്നത്. വാർത്തയില് കണ്ട പെണ്കുട്ടിയാണ് ലോഡ്ജില് യുവാവിനൊപ്പം എത്തിയതെന്ന് ഇവർ തിരിച്ചറിയുകയായിരുന്നു. തുടർന്ന് വിവരം പോലീസിനെ അറിയിക്കുകയും സിസിടിവി ദൃശ്യങ്ങള് കൈമാറുകയുമായിരുന്നു.
ബന്ധുവായ യുവാവിന് ഒപ്പമാണ് പെണ്കുട്ടി ലോഡ്ജില് എത്തിയത്. താമരശേരി പെരുമ്പള്ളി സ്വദേശിയായ പെണ്കുട്ടിയെ ആണ് കാണാതായത്. കഴിഞ്ഞ ചൊവ്വാഴ്ച രാവിലെ 9ന് സ്കൂളില് പരീക്ഷയ്ക്കായി പോയ പെണ്കുട്ടി വീട്ടില് തിരിച്ചെത്തിയിട്ടില്ല. പുതുപ്പാടി സർക്കാർ സ്കൂളിലെ എട്ടാം ക്ലാസ് വിദ്യാർഥിയാണ്.
TAGS : LATEST NEWS | GIRL MISSING | THAMARASSERI
SUMMARY : Missing girl from Thamarassery found in Thrissur; CCTV footage out
WhatsApp
Telegram
