ബെംഗളൂരു: മലയാളി യുവാവിനെ അനധികൃതമായി കസ്റ്റഡിയിൽ വച്ചതിന് നാലു പോലീസുകാർക്ക് സസ്പെൻഷൻ. ബെംഗളൂരു രാമമൂർത്തി നഗർ സ്റ്റേഷനിലെ അസിസ്റ്റന്റ് സബ് ഇൻസ്പെക്ടർക്കും 3 കോൺസ്റ്റബിൾമാർക്കുമാണ് സസ്പെൻഷൻ.
കേരളത്തിൽ നിന്നും വാടകക്ക് എടുത്ത വാഹനം ബെംഗളൂരുവിൽ വിൽക്കാൻ ശ്രമിച്ചുവെന്ന പരാതിയിൽ രാജീവ് എന്ന യുവാവിനെയാണ് പോലീസ് ചോദ്യം ചെയ്യാനായി കസ്റ്റഡിയിൽ എടുത്തത്. രാജീവിനെ വിട്ടയക്കാത്തതിനെ തുടർന്ന് സുഹൃത്തുക്കൾ കർണാടക മനുഷ്യാവകാശ കമ്മീഷന് പരാതി നല്‍കുകയായിരുന്നു. കമ്മീഷൻ അംഗങ്ങൾ സ്റ്റേഷനിൽ എത്തി നടത്തിയ പരിശോധനയിൽ രാജീവനെ കണ്ടെത്താനായില്ല. അറസ്റ്റ് രേഖപ്പെടുത്താതെ കസ്റ്റഡിയിൽ സൂക്ഷിച്ചതിന്‍റെ രേഖകൾ ഹാജരാക്കാൻ ആവശ്യപ്പെട്ടെങ്കിലും ഇവർ നൽകിയില്ല. രാജീവ് കസ്റ്റഡിയിലുള്ള വിവരം താൻ അറിഞ്ഞില്ലെന്നായിരുന്നു സ്റ്റേഷൻ ചുമതലയുള്ള ഇൻസ്പെക്ടർ നല്‍കിയ മറുപടി. തുടർന്ന് ഈസ്റ്റ് ഡിവിഷൻ ഡെപ്യൂട്ടി കമ്മീഷണർ ദേവരാജ് അന്വേഷണവിധേയമായി നാലുപേരെയും സസ്പെന്‍ഡ് ചെയ്യുകയായിരുന്നു.
<br>
TAGS : SUSPENSION
SUMMARY : Suspension of four policemen for unjustly detaining a Malayali youth
WhatsApp
Telegram
