ബെംഗളൂരു: നിയന്ത്രണം വിട്ട കാർ ലോറിയിലിടിച്ചുണ്ടായ അപകടത്തിൽ മൂന്ന് പേർ മരിച്ചു. ചിത്രദുർഗ ഹോളാൽകെരെ ടൗണിൽ കനിവ് ആഞ്ജനേയ ക്ഷേത്രത്തിന് സമീപം തിങ്കളാഴ്ച പുലർച്ചെയാണ് അപകടമുണ്ടായത്. ആന്ധ്രാപ്രദേശ് സ്വദേശികളായ സുനിത (34), ശ്യാം (17), ശിവു (55) എന്നിവരാണ് മരിച്ചത്. ആന്ധ്രയിലെ ഗുണ്ടൂർ വെങ്കിടേഷ്പാളയയിൽ നിന്ന് ശിവമോഗയിലേക്ക് പോകുകയായിരുന്ന ടൊയോട്ട ഇന്നോവ എംയുവി കാർ ആണ് അപകടത്തിൽ പെട്ടത്.
അപകടത്തിൽ കാർ ഡ്രൈവർക്ക് ഗുരുതരമായി പരുക്കേറ്റു. നിയന്ത്രണം വിട്ട കാർ എതിർദിശയിൽ നിന്ന് വന്ന ലോറിയിലേക്ക് ഇടിക്കുകയായിരുന്നു. പരുക്കേറ്റ ഡ്രൈവറെ സമീപത്തെ ആശുപത്രിയിൽ പ്രവേശിപ്പിച്ചു. അമിതവേഗതയും അശ്രദ്ധമായ ഡ്രൈവിങ്ങുമാണ് അപകടത്തിന് കാരണമെന്ന് പോലീസ് പറഞ്ഞു. ഇടിയുടെ ആഘാതത്തിൽ കാർ പൂർണ്ണമായും തകർന്നു. സംഭവത്തിൽ ഹോളാൽക്കെരെ പോലീസ് കേസ് രജിസ്റ്റർ ചെയ്തു.
TAGS: KARNATAKA | ACCIDENT
SUMMARY: Three from Andhra village die as car crashes into lorry
