ബെംഗളൂരു: മഹാരാഷ്ട്ര, ആന്ധ്രാപ്രദേശ്, തെലങ്കാന എന്നിവിടങ്ങളിൽ പക്ഷിപ്പനി (എച്ച്5എൻ1) പടർന്നുപിടിച്ചതോടെ സംസ്ഥാനത്തിന്റെ അതിർത്തി ജില്ലകളായ ബെളഗാവി, ബീദർ, ബെള്ളാരി, റായ്ച്ചൂർ എന്നിവിടങ്ങളിൽ അതീവ ജാഗ്രതാ നിർദ്ദേശം നൽകിയിട്ടുണ്ടെന്ന് ആരോഗ്യ വകുപ്പ് അറിയിച്ചു. അതിർത്തി ജില്ലകളിൽ നിരീക്ഷണവും ശക്തമാക്കിയിട്ടുണ്ട്. അണുബാധയുടെ സാധ്യത തടയുന്നതിനായി അയൽ സംസ്ഥാനങ്ങളിൽ നിന്നും കർണാടകയിലേക്ക് കോഴികൾ ഇറക്കുമതി ചെയ്യുന്നത് നിരോധിക്കുമെന്നും വകുപ്പ് ഉദ്യോഗസ്ഥർ പറഞ്ഞു.
രോഗബാധിത സംസ്ഥാനങ്ങളിൽ നിന്ന് കോഴികളെ കൊണ്ടുപോകുന്ന വാഹനങ്ങളെയും നിരീക്ഷിക്കാൻ വകുപ്പ് പ്രിൻസിപ്പൽ സെക്രട്ടറി ഹർഷ് ഗുപ്ത ഉദ്യോഗസ്ഥർക്ക് നിർദ്ദേശം നൽകി. സംസ്ഥാനത്ത് ഇതുവരെ പക്ഷിപ്പനി കേസുകളൊന്നും റിപ്പോർട്ട് ചെയ്തിട്ടില്ലെങ്കിലും, വൈറസ് വേഗത്തിൽ പടരുന്നത് തടയാൻ അതീവ ജാഗ്രത പാലിക്കേണ്ടത് അത്യാവശ്യമാണെന്ന് അദ്ദേഹം പറഞ്ഞു. നിലവിൽ മഹാരാഷ്ട്രയിൽ നിന്നുള്ള കോഴി ഇറക്കുമതി നിർത്തിവച്ചിരിക്കുകയാണെന്നും പ്രാദേശിക കോഴി ഉൽപ്പന്നങ്ങൾ വാങ്ങാൻ ആളുകളോട് നിർദേശിച്ചിട്ടുണ്ടെന്നും അദ്ദേഹം പറഞ്ഞു.
TAGS: KARNATAKA
SUMMARY: Karnataka strictens surveillance in border as neighbouring states report bird flu cases
