കൊച്ചി: കൊച്ചിയില് ഡോക്ടറെ ആക്രമിച്ച കേസില് യുവ നടി അടക്കം മൂന്ന് പ്രതികള്ക്ക് ജാമ്യം. യുവ നടി, ബിബിൻ പെരുമ്പള്ളി, ഡ്രൈവർ വിഷ്ണു എന്നിവർക്കാണ് സെഷൻസ് കോടതി ജാമ്യം അനുവദിച്ചത്. പ്രതികളുടെ ജാമ്യാപേക്ഷ മുമ്പ് തള്ളിയിരുന്നു. ഡോക്ടറെ മർദിച്ച സംഭവത്തില് സിനിമാ താരം ഉള്പ്പെടെ മൂന്നുപേരായിരുന്നു പിടിയിലായിരുന്നത്. രോഗിയെ ചികിത്സിക്കാനെന്ന വ്യാജേന വിളിച്ചുവരുത്തി മര്ദിച്ചുവെന്നായിരുന്നു പരാതി.
ഡോക്ടറുടെ മൊബൈല് ഫോണുകളും വാച്ചും സംഘം കവര്ന്നുവെന്നും പരാതിയിലുണ്ട്. പിന്നാലെയാണ് നടി ഉള്പ്പെടെയുള്ളവരെ അറസ്റ്റ് ചെയ്തത്. 12 പേരടങ്ങുന്ന സംഘം തന്നെ മര്ദിച്ചുവെന്ന് ചൂണ്ടിക്കാട്ടി കഴിഞ്ഞ ദിവസമാണ് ഡോക്ടര്മാര് നേരിട്ടെത്തി പരാതി നല്കിയത്. നടിയും ഇവരുടെ സുഹൃത്തുക്കളായ കണ്ടാലറിയാവുന്ന 11 പേര്ക്കെതിരെയുമാണ് പോലീസ് കേസെടുത്തത്. നടിയെ കൂടാതെ ജിതിന്, വിഷ്ണു എന്നിവരാണ് പോലീസിന്റെ പിടിയിലായ മറ്റ് രണ്ടുപേര്. യുവനടിയുടെ കുടുംബ ഡോക്ടറായിരുന്നു മര്ദനമേറ്റയാളെന്നും റിപ്പോര്ട്ടുണ്ട്.
SUMMARY: Allegation of assaulting a doctor: Bail granted to three accused, including young actress Athulya Chandra















