റെയിൽവെ സ്റ്റേഷനിൽ ട്രാക്ക് മാറി ഗുഡ്സ് ട്രെയിൽ നിർത്തി ലോക്കോ പൈലറ്റ് പോയി. കാഞ്ഞങ്ങാട് റെയിൽവെ സ്റ്റേഷനിലാണ് സംഭവം. ഷൊർണൂർ ഭാഗത്തേക്ക് പോകേണ്ട യാത്രാ ട്രെയിനുകൾ വരുന്ന ഒന്നാം പ്ലാറ്റ് ഫോമിലാണ് ഗുഡ്സ് ട്രെയിൻ നിർത്തിയിട്ടത്. ഇതോടെ പാസഞ്ചർ ട്രെയിനുകൾക്ക് ഒന്നാം പ്ലാറ്റ്ഫോമിൽ നിർത്താൻ കഴിയാതെ വന്നു. ട്രെയിൻ കയറാൻ എത്തിയ യാത്രക്കാരും ആശയക്കുഴപ്പത്തിലായി.
ഒടുവില് ട്രെയിനുകൾ മൂന്നാം പ്ലാറ്റ്ഫോമിലാണ് എത്തുക എന്ന് അധികൃതർ അറിയിച്ചു. ട്രാക്ക് മാറി ഗുഡ്സ് ട്രെയിൻ നിര്ത്തിയിട്ട സംഭവത്തില് അധികൃതര് ഇതുവരെ വിശദീകരണം നല്കിയിട്ടില്ല. രാവിലെയായിട്ടും ട്രെയിൻ ഇവിടെ നിന്നും നീക്കിയിട്ടില്ല.
