ഇടുക്കി ചെമ്മണ്ണാറില് വയോധികനെ വീട്ടുമുറ്റത്തെ കസേരയില് മരിച്ച നിലയില് കണ്ടെത്തി. റോഡരികിലെ വീട്ടുമുറ്റത്തെ കസേരയില് മരിച്ച നിലയിലിരുന്നിട്ടും ആളുകള് തിരിച്ചറിഞ്ഞത് മൂന്ന് ദിവസത്തിന് ശേഷം. ചെമ്മണ്ണാർ വടക്കൻചേരിയില് ജോസ് (62)നെ ആണ് മരിച്ച നിലയില് കണ്ടെത്തിയത്.
കസേരയില് ഇരിക്കുന്ന രീതിയിലായിരുന്ന മൃതദേഹത്തിന് മൂന്ന് ദിവസം പഴക്കമുള്ളതായി പോലീസ് അറിയിച്ചു. ജോസ് സ്ഥിരമായി ഈ കസേരയില് ഇരിക്കാറുള്ളതിനാല് കഴിഞ്ഞ ദിവസങ്ങളില് ആളുകള് കണ്ടെങ്കിലും സംശയം തോന്നിയിരുന്നില്ല. ഇന്നലെ വൈകിട്ട് നാട്ടുകാർ വിളിച്ചിട്ടും പ്രതികരണം ഇല്ലാത്തതിനെ തുടർന്ന് നടത്തിയ പരിശോധനയിലാണ് മരിച്ചതായി കണ്ടെത്തിയത്.
തുടർന്ന് ഉടുമ്പൻചോല പോലീസിനെ വിവരമറിയിക്കുകയായിരുന്നു. ജോസ് ഒറ്റയ്ക്കായിരുന്നു ഈ വീട്ടില് താമസിച്ചിരുന്നത്. അങ്കമാലി മഞ്ഞപ്രയില് നിന്നും 10 വർഷം മുമ്പാണ് ചെമ്മണ്ണാറില് ജോസ് എത്തിയത്.
TAGS : IDUKKI NEWS | DEAD
SUMMARY : Elderly man found dead in chair in backyard; The dead body is three days old
WhatsApp
Telegram
