പത്തനംതിട്ട: അടൂർ ബൈപാസിൽ വാഹനാപകടത്തിൽ രണ്ട് യുവാക്കൾ മരിച്ചു. ബൈക്കും ബസും കൂട്ടിയിടിച്ചാണ് അപകടം. അടൂർ അമ്മകണ്ടകര അമൽ (20), നിശാന്ത് (23) എന്നിവരാണ് മരിച്ചത്. മിത്രപുരത്ത് വ്യാഴാഴ്ച രാത്രി 12.15ഓടെയാണ് അപകടം. ബൈക്ക് ബസിലേക്ക് ഇടിച്ചുകയറുകയായിരുന്നു എന്നാണ് പോലീസ് നല്കുന്ന വിവരം.
സൂപ്പര്മാർക്കറ്റിലെ ജീവനക്കാരാണ് ഇരുവരും. സിസിടിവി ദൃശ്യങ്ങള് അടക്കം പരിശോധിച്ചാല് മാത്രമേ അപകടത്തിന്റെ യഥാര്ത്ഥ കാരണം വ്യക്തമാകൂവെന്ന് പൊലീസ് പറയുന്നു. അപകടത്തില് ഇരുവരും തത്ക്ഷണം മരിച്ചു. മൃതദേഹം അടൂര് ജനറല് ആശുപത്രിയിലേക്ക് മാറ്റി. അടൂരില് നിന്നും പന്തളത്തേക്ക് പോയ ടൂറിസ്റ്റ് ബസുമായിട്ടാണ് ബൈക്ക് കൂട്ടിയിടിച്ചത്.
<BR>
TAGS : ACCIDENT | PATHANAMTHITTA
SUMMARY : Two youths die in Adoor bike-bus collision
