തിരുവനന്തപുരം: ബീമാപള്ളി ദർഗ്ഗ ഷരീഫിലെ വാർഷിക ഉറൂസ് മഹോത്സവം പ്രമാണിച്ച്‌ നവംബർ 11 ബുധനാഴ്ച തിരുവനന്തപുരം നഗരസഭാ പരിധിയില്‍ പ്രാദേശിക അവധി പ്രഖ്യാപിച്ചു. നഗരസഭാ പരിധിയിലുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും സംസ്ഥാന സർക്കാർ ഓഫീസുകള്‍ക്കും അവധി ബാധകമായിരിക്കും. നവംബർ 11 മുതല്‍ 21 വരെ നടക്കുന്ന ബീമാപള്ളി ഉറൂസ് മഹോത്സവം സുഗമമായും സുരക്ഷിതമായും നടത്തുന്നതിനുള്ള ക്രമീകരണങ്ങള്‍ ശക്തമാക്കാൻ സർക്കാർ വകുപ്പുകള്‍ക്ക് നിർദേശം നല്‍കി.
പോലീസ് പിക്കറ്റുകള്‍, നിരീക്ഷണ സംവിധാനങ്ങള്‍, മെഡിക്കല്‍ സംഘങ്ങള്‍, കടല്‍ത്തീരത്ത് മുന്നറിയിപ്പ് ബോർഡുകള്‍ സ്ഥാപിക്കല്‍ തുടങ്ങിയ ക്രമീകരണങ്ങള്‍ ഒരുക്കാനാണ് നിർദേശം. ബീമാപള്ളി ജമാഅത്ത് കോണ്‍ഫറൻസ് ഹാളില്‍ ഗതാഗത മന്ത്രി സി.പി. ജോണിന്റെ അധ്യക്ഷതയില്‍ ചേർന്ന വിവിധ വകുപ്പുകളുടെ അവലോകന യോഗത്തിലാണ് തീരുമാനങ്ങള്‍.
SUMMARY: Beemapally Uroos: Local holiday in Thiruvananthapuram Corporation limits on Wednesday
