ബെംഗളൂരു: ഇരുചക്രവാഹനത്തിൽ നിന്ന് റോഡിലേക്ക് തെറിച്ചുവീണ പെൺകുട്ടി കാറിടിച്ച് മരിച്ചു. കൊഡിഗെഹള്ളി മെയിൻ റോഡിൽ വെള്ളിയാഴ്ച വൈകീട്ടാണ് അപകടമുണ്ടായത്. ബെംഗളൂരു സ്വദേശിനിയും സ്വകാര്യ എഞ്ചിനീയറിങ് കോളേജ് വിദ്യാർഥിനിയുമായ ദേവതയാണ് (20) ആണ് മരിച്ചത്. പെൺകുട്ടി സഞ്ചരിച്ചിരുന്ന ഇരുചക്രവാഹനം നിയന്ത്രണം വിട്ടതോടെ റോഡിലേക്ക് തെറിച്ചുവീഴുകയായിരുന്നു.
റോഡിൽ നിന്ന് എഴുന്നേൽക്കാൻ ശ്രമിക്കുന്നതിനിടെ എതിർദിശയിൽ നിന്ന് വന്ന കാർ പെൺകുട്ടിയെ ഇടിച്ചുതെറിപ്പിക്കുകയായിരുന്നു. അപകടത്തിന്റെ ദൃശ്യങ്ങൾ സമീപത്തെ സിസിടിവി കാമറയിൽ പതിഞ്ഞിട്ടുണ്ട്. പെൺകുട്ടി സംഭവസ്ഥലത്ത് വെച്ച് തന്നെ മരിച്ചു. സംഭവത്തിൽ കൊഡിഗെഹള്ളി പോലീസ് കേസ് രജിസ്റ്റർ ചെയ്തു.
TAGS: BENGALURU | ACCIDENT
SUMMARY: Engineering student falls off two-wheeler, dies after being run over by car
