ബെംഗളൂരു: ബെംഗളൂരുവിൽ യുവാവ് കാമുകിയെയും കാമുകിയുടെ മാതാപിതാക്കളെയും പെട്രോളൊഴിച്ച് തീ കൊളുത്തി. നഗരത്തിലെ തരബനഹള്ളിയിലാണ് ഞെട്ടിക്കുന്ന സംഭവം നടന്നത്. സുമലത, അമ്മ മഞ്ജമ്മ, അച്ഛൻ ശ്രീറാം എന്നിവര്‍ക്കാണ് പൊള്ളലേറ്റത്. പരുക്കേറ്റ മൂന്ന് പേരും ഗുരുതരാവസ്ഥയിൽ വിക്ടോറിയ ഹോസ്പിറ്റയിൽ ചികിത്സയിലാണ്. ഇതില്‍ മഞ്ജമ്മയുടെ നില അതീവ ഗുരുതരമാണ്. സംഭവത്തില്‍ പ്രതി പാണ്ടു എന്ന ചന്തു ഓടി രക്ഷപ്പെട്ടുവെങ്കിലും ഇയാളെ പോലീസ് പിടികൂടി.
സുമലതക്ക് രണ്ട് ആൺമക്കളുണ്ട്. പാണ്ടുവിനും ഭാര്യയും കുട്ടികളുമുണ്ട്. പാണ്ടുവും സുമലതയും ഇൻസ്റ്റാഗ്രാം വഴിയാണ് അടുപ്പത്തിലായത്. പോലീസ് പറഞ്ഞു. കഴിഞ്ഞ കുറച്ചുദിവസങ്ങളായി ഇവർക്കിടയിലുണ്ടായ തർക്കങ്ങളാണ് ആക്രമണത്തിന് കാരണം. ശനിയാഴ്ച രാത്രി പെൺകുട്ടിയുടെ വീട്ടിലെത്തിയ യുവാവ് ഇവരുമായി വാക്കുതർക്കത്തിലായി. തൊട്ടുപിന്നാലെയാണ് കയ്യിൽ കരുതിയിരുന്ന പെട്രോൾ ഒഴിച്ച് തീ കൊളുത്തിയത്. ആക്രമണത്തിലേക്ക് നയിച്ച എല്ലാ സാഹചര്യങ്ങളും കണ്ടെത്തുന്നതിനായി പോലീസ് അന്വേഷണം ആരംഭിച്ചിട്ടുണ്ട്.
SUMMARY: In Bengaluru, a young man doused his girlfriend and parents with petrol and set them on fire, three of them in critical condition.
