കോഴിക്കോട്: നിയന്ത്രണം വിട്ട ബൈക്ക് കടയിലേക്ക് ഇടിച്ചുകയറി യുവാവിന് ദാരുണാന്ത്യം. കൊയിലാണ്ടിയിലുണ്ടായ അപകടത്തിൽ നാനോത്ത് മീത്തൽ എൻ.അജയ് (22) ആണ് മരിച്ചത് അജയ്ക്കൊപ്പം ബൈക്കില് ഒപ്പമുണ്ടായിരുന്ന പന്തലായനി കാട്ടുവയല് താഴത്ത് കെടി ആദര്ശിനു (25) ഗുരുതരമായി പരുക്കേറ്റു.
ഞായര് പുലര്ച്ചെയാണ് അപകടമുണ്ടായത്. ഇരുവരും ബപ്പങ്ങാട് അണ്ടര് പാസേജ് വഴി ടൗണിലേക്ക് വരുന്നതിനിടെ ബൈക്ക് നിയന്ത്രണം വിട്ട് സമീപത്തെ കടയുടെ ഭിത്തിയിലും പോസ്റ്റിലും ഇടിക്കുകയായിരുന്നു. ഗുരുതരമായി പരുക്കേറ്റ ആദര്ശ് കോഴിക്കോട് മെഡിക്കല് കോളജ് ആശുപത്രിയില് ചികിത്സയിലാണ്. മരിച്ച അജയ് താമരശ്ശേരി ഇന്ഡസ് മോട്ടോഴ്സില് ഇലക്ട്രീഷ്യനായി ജോലി ചെയ്യുകയായിരുന്നു. മൃതദേഹം കോഴിക്കോട് മെഡിക്കല് കോളജില് പോസ്റ്റ്മോര്ട്ടം നടത്തിയ ശേഷം ബന്ധുക്കള്ക്ക് വിട്ടു നല്കി. മാതാവ്: നിഷ. സഹോദരി: ആര്ഷ.
SUMMARY: Bike loses control and crashes into shop; young man dies, passenger seriously injured
