ബെംഗളൂരു: ബെംഗളൂരു മലയാളി റൈറ്റേഴ്സ് ആന്റ് ആര്ട്ടിസ്റ്റ്സ് ഫോറം പ്രസിദ്ധീകരിക്കുന്ന സാഹിത്യസമാഹാരമായ ‘വൈഖരി’ യുടെ പ്രകാശനം മെയ് 3 ന് ഞായറാഴ്ച വൈകീട്ട് 3.30 മുതല് ഇന്ദിരാനഗര്. ഇസിഎ ഹാളില് നടക്കും. പ്രമുഖ എഴുത്തുകാരനും സാംസ്കാരിക പ്രവര്ത്തകനുമായ കണ്ണൂര് യൂണിവേഴ്സിറ്റി അസി. പ്രൊഫസ്സര് ഡോ. റഫീഖ് ഇബ്രാഹിം മുഖ്യാതിഥിയായിരിക്കും.
ബെംഗളൂരുവിലെ നാല്പതിലധികം എഴുത്തുകാരുടെ കഥകളും, കവിതകളും, ഓര്മ്മക്കുറിപ്പുകളും, സാഹിത്യത്തിന്റെ നാള്വഴികളും ചരിത്രവും ഉള്പ്പെടുന്ന ലേഖനങ്ങളും ഉള്ളടക്കമാകുന്ന വൈഖരി സാഹിത്യസമാഹാരം റൈറ്റേഴ്സ് ഫോറത്തിന്റെ 27ാം വാര്ഷികോപഹാരം കൂടിയാണ്. സാമൂഹ്യ സാംസ്കാരിക രംഗത്തെ പ്രമുഖര് പ്രകാശന പരിപാടിയില് സംബന്ധിക്കും. റൈറ്റേഴഴ്സ് ഫോറത്തിന്റെ പ്രഥമ പ്രസിദ്ധീകരണ സംരംഭമാണ് ‘വൈഖരി’ സാഹിത്യ സമാഹാരമെന്ന് ഫോറം പ്രസിഡന്റ് സതീഷ് തോട്ടശ്ശേരി, സെക്രട്ടറി ശാന്തകുമാര് എലപ്പുള്ളി എന്നിവര് അറിയിച്ചു.
SUMMARY: Writers Forum literary collection to be released on May 3
