തിരുവനന്തപുരത്ത് ഭര്‍ത്താവ് ഭാര്യയെ കുത്തി കൊലപ്പെടുത്തി

തിരുവനന്തപുരം: നെയ്യാറ്റിൻകരയില്‍ യുവതിയെ ഭർത്താവ് കുത്തിക്കൊന്നു. വ്ളാത്താങ്കര സ്വദേശിനി അല്‍മ (33) ആണ് കൊല്ലപ്പെട്ടത്. സംഭവത്തില്‍ ഭർത്താവ് വിഷ്ണുവിനെ പോലീസ് കസ്റ്റഡിയിലെടുത്തു. രാവിലെ പത്ത് മണിയോടെയാണ് നാടിനെ നടുക്കിയ കൊലപാതകം നടന്നത്.

ട്യൂഷൻ സെന്റർ അധ്യാപകനായ വിഷ്ണുവും അല്‍മയും തമ്മില്‍ തർക്കങ്ങള്‍ നിലനിന്നിരുന്നു എന്നാണ് സൂചന. കൊലപാതകത്തിന് ശേഷം വിഷ്ണു തന്നെ അയല്‍വീട്ടില്‍ ചെന്ന് വിവരം അറിയിച്ചു. അയല്‍ക്കാരാണ് പോലീസില്‍ വിവരമറിയിച്ചത്. പത്ത് വർഷം മുമ്പായിരുന്നു വിഷ്ണുവിന്റെയും അല്‍മയുടെയും വിവാഹം. ഇരുവരും മാത്രമായിരുന്നു വീട്ടില്‍ താമസിച്ചിരുന്നത്.

SUMMARY: Husband stabbed wife to death in Thiruvananthapuram