ബെംഗളൂരു: പ്രധാനമന്ത്രി നരേന്ദ്ര മോദിയുടെ സന്ദര്ശനം ഉള്പ്പെടെ നഗരത്തില് വിവിധ പരിപാടികളുള്ളതിനാൽ നേരത്തേ പ്രഖ്യാപിച്ച നമ്മ മെട്രോ പർപ്പിൾ ലൈനിലെ അറ്റകുറ്റപ്പണി മാറ്റിവച്ചതായി ബിഎംആർസി അറിയിച്ചു. ഇന്നു സർവീസ് മുടങ്ങില്ലെന്നും രാവിലെ 7നു പകരം പുലർച്ചെ 5നു മെട്രോ സർവീസ് ആരംഭിക്കുമെന്നും അധികൃതർ പറഞ്ഞു.
പർപ്പിൾ ലൈനിൽ (വൈറ്റ്ഫീൽഡ് – ചല്ലഘട്ട) മജസ്റ്റിക്ക്, സെൻട്രൽ കോളജ് സ്റ്റേഷനുകൾക്കിടയിൽ അറ്റകുറ്റപ്പണി നടത്തുമെന്നും അതിനാൽ രാവിലെ 7 മുതൽ 9 വരെ കബൺ പാർക്കിനും ഹൊസഹള്ളിക്കുമിടയിൽ സർവീസ് തടസ്സപ്പെടുമെന്നും ബിഎംആർസി നേരത്തേ അറിയിച്ചിരുന്നു.
SUMMARY: Today’s maintenance on Namma Metro Purple Line postponed; services to resume from 5 am
