ബെംഗളൂരു: 1.25 കോടി രൂപയുടെ ഹൈഡ്രോ കഞ്ചാവുമായി 3 മലയാളികളുൾപ്പെടെ 5 പേര്‍ ബെംഗളൂരുവില്‍ പിടിയിലായി. ബിടിഎം ലേഔട്ടിൽ ജൂസ് കട നടത്തിയിരുന്ന മലയാളികളായ മുഹമ്മദ് അഫ്രാൻ, മുഹമ്മദ് സാബിത്, ശ്രീനാഥ്, ബെംഗളൂരു സ്വദേശികളായ മുഹമ്മദ് ഹംസ, യാസർ അഹമ്മദ് എന്നിവരാണ് അറസ്റ്റിലായത്.
ഇവരിൽ നിന്ന് 3.686 ഗ്രാം ഹൈഡ്രോ കഞ്ചാവ് പിടിച്ചെടുത്തു.
കേരളത്തിൽ നിന്നാണു ലഹരിമരുന്ന് എത്തിച്ചിരുന്നതെന്നും നഗരത്തിൽ കോളജ് വിദ്യാർഥികൾക്കും യുവാക്കൾക്കും വിൽപന നടത്തി വരികയായിരുന്നുവെന്നും പോലീസ് പറഞ്ഞു. ഇവര്‍ക്ക് ഹൈഡ്രോ കഞ്ചാവ് വിതരണം ചെയ്തവരെ കണ്ടെത്താനുള്ള ശ്രമം തുടരുകയാണ്. പ്രതികളെ കോടതിയിൽ ഹാജരാക്കിയ ശേഷം ജുഡീഷ്യൽ കസ്റ്റഡിയിൽ വിട്ടു.
SUMMARY: 5 people, including 3 Malayalis, arrested in Bengaluru with hydro cannabis worth Rs 1.25 crore
