ബെംഗളൂരു: മലയാളി യുവതി ബെംഗളൂരുവില്‍ ബലാത്സംഗത്തിനിരയായതായി പരാതി. ബെംഗളൂരു മഡിവാളയില്‍ താമസിക്കുന്ന ബത്തേരി സ്വദേശി ഹൈനസിനെതിരെയാണ് കോട്ടയം സ്വദേശിയായ ഇരുപതുകാരി പരാതി നല്‍കിയത്. മഡിവാള പോലീസ് കേസെടുക്കാൻ തയാറായില്ലെന്നും ഡിസിപിക്ക് പരാതി നല്‍കിയതോടെയാണ് പോലീസ് കേസെടുക്കാൻ തയാറായതെന്ന് യുവതി പറഞ്ഞു.
ഈ മാസം പന്ത്രണ്ടിനാണ് കഫെയില്‍ പാർട്ട്‌ ടൈം ജോലി ചെയ്യുകയായിരുന്ന യുവതിക്ക് പീഡനം നേരിടേണ്ടിവന്നത്. സുഹൃത്തുക്കളുടെ താമസസ്ഥലത്ത് വെച്ച്‌ ഈ മാസം 12നാണ് സംഭവമെന്ന് യുവതി പറഞ്ഞു. ആരോഗ്യപ്രശ്നങ്ങള്‍ കാരണം താൻ മുറിയില്‍ കിടക്കുകയായിരുന്നു. സുഹൃത്തുക്കള്‍ തനിക്ക് വെള്ളവും ജ്യൂസും വാങ്ങാൻ പുറത്തേക്ക് പോയ സമയത്ത് അവിടെയുണ്ടായിരുന്ന പ്രതി താൻ കിടന്ന മുറിയിലേക്ക് എത്തുകയും ബലാത്സംഗം ചെയ്യുകയുമായിരുന്നുവെന്ന് യുവതി പറഞ്ഞു.
SUMMARY: Complaint filed against Wayanad native for raping Malayali woman in Bengaluru
