കോഴിക്കോട്: കോഴിക്കോട് ഷിഗല്ല ബാക്ടീരിയല് അണുബാധയെ തുടർന്ന് ചികിത്സയിലായിരുന്ന നാല് വയസ്സുകാരി ദാരുണമായി മരണപ്പെട്ടു. തലക്കുളത്തൂർ സ്വദേശി ബബീഷിന്റെ മകള് നിളയാണ് മരിച്ചത്. ഇതോടെ പ്രദേശത്ത് ആരോഗ്യവകുപ്പ് ജാഗ്രതാ നിർദ്ദേശം നല്കിയിട്ടുണ്ട്. കടുത്ത വയറിളക്കത്തെ തുടർന്ന് കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ച രണ്ട് കുട്ടികള്ക്ക് കൂടി നിലവില് ഷിഗല്ല സ്ഥിരീകരിച്ചിട്ടുണ്ട്.
ഈ മാസം ഒന്നിനാണ് കടുത്ത വയറിളക്കവും ശാരീരിക അസ്വസ്ഥതകളും അനുഭവപ്പെട്ടതിനെ തുടർന്ന് നിളയെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചത്. തുടർന്ന് തീവ്രപരിചരണ വിഭാഗത്തില് ചികിത്സയിലിരിക്കെയാണ് മരണം സംഭവിച്ചത്.
SUMMARY: Four-and-a-half-year-old girl dies of Shigella in Kozhikode
