എറണാകുളം: കോതമംഗലം പോലിസ് സര്ക്കിള് ഇന്സ്പെക്ടര്ക്കെതിരെ ഭീഷണി കുറിപ്പിട്ട ക്രിമിനല് കേസ് പ്രതി അര്ജുന് ആയങ്കിക്കെതിരെ പോലിസ് പുതിയ കേസെടുത്തു. ഐ ടി ആക്ട് പ്രകാരമാണ് അര്ജുന് ആയങ്കിക്കെതിരെ കോതമംഗലം പോലിസ് കേസെടുത്തത്. നിരവധി ക്രിമിനല് കേസുകളില് പ്രതികളായ അര്ജുന് ആയങ്കിയെയും സംഘത്തേയും കോതമംഗലം പോലിസ് കഴിഞ്ഞ മെയ് 3 ന് അറസ്റ്റു ചെയ്തിരുന്നു.
ഇതുമായി ബന്ധപ്പെട്ടാണ് അര്ജുന് ആയങ്കി ഇന്ന് കോതമംഗലം സി ഐക്കെതിരെ ഫേസ്ബുക്ക് കുറിപ്പ് വഴി പരസ്യ ഭീഷണിയും അധിക്ഷേപവും നടത്തിയത്. കേരളത്തിലെ സ്വര്ണക്കടത്ത്, ക്വട്ടേഷന് സംഘങ്ങളുമായി ബന്ധപ്പെട്ട് നിരവധി ക്രിമിനല് കേസുകളില് പ്രതിയായിട്ടുള്ള വ്യക്തിയാണ് അര്ജുന്.
അര്ജുന് ആയങ്കിയെ കോതമംഗലം പുന്നേക്കാട് ഉള്ള റിസോര്ട്ടില് നിന്നും കസ്റ്റഡിയിലെടുത്ത കോതമംഗലം സര്ക്കിള് ഇന്സ്പെക്ടര്ക്കെതിരെയാണ് ഭീഷണി. പെന്ഷന് വാങ്ങി ജീവിക്കാന് അനുവദിക്കില്ലെന്നും ജീവിതം താറുമാറാക്കിയ നിന്നോട് യുദ്ധം പ്രഖ്യാപിച്ചിരിക്കുന്നുവെന്നും അര്ജുന് ഫേസ്ബുക്കില് കുറിച്ചു.
SUMMARY: Death threats against CI; Police case against Arjun Ayanki
