തിരുവനന്തപുരം: സെക്രട്ടറിയേറ്റില് മാധ്യമപ്രവര്ത്തകര്ക്കുള്ള പ്രവേശന നിയന്ത്രണം കടുപ്പിച്ചു. മുഖ്യമന്ത്രിയുടെ ഓഫീസുള്ള നോര്ത്ത് ബ്ലോക്കില് നിലവിലുണ്ടായിരുന്ന നിയന്ത്രണം ഇപ്പോള് മറ്റു മന്ത്രിമാരുടെ ഓഫീസുകളിലേക്കും വ്യാപിപ്പിച്ചിരിക്കുകയാണ്. ബന്ധപ്പെട്ട വകുപ്പുകളില് നിന്നുള്ള പ്രത്യേക അനുമതിയോ ശുപാര്ശക്കത്തോ ഇല്ലാതെ, സര്ക്കാര് അംഗീകൃത അക്രഡിറ്റേഷന് കാര്ഡുള്ള മാധ്യമപ്രവര്ത്തകരെപ്പോലും സെക്രട്ടറിയേറ്റിനുള്ളില് പ്രവേശിപ്പിക്കരുതെന്നാണ് സുരക്ഷാ ഉദ്യോഗസ്ഥര്ക്ക് നല്കിയിരിക്കുന്ന നിര്ദേശം.
മുഖ്യമന്ത്രിക്ക് കീഴിലുള്ള വിവരപൊതുജന സമ്പര്ക്ക വകുപ്പ് പരിശോധനകള്ക്ക് ശേഷമാണ് മാധ്യമപ്രവര്ത്തകര്ക്ക് അക്രഡിറ്റേഷന് കാര്ഡുകള് അനുവദിക്കുന്നത്. സെക്രട്ടറിയേറ്റ് ഉള്പ്പെടെയുള്ള നിയന്ത്രിത മേഖലകളില് വാര്ത്താ ശേഖരണം സുഗമമാക്കുക എന്നതാണ് ഈ കാര്ഡുകളുടെ പ്രധാന ലക്ഷ്യം. എന്നാല് നിലവില് അക്രഡിറ്റേഷന് കാര്ഡുമായി എത്തുന്നവരെയും സുരക്ഷാ ജീവനക്കാര് പ്രവേശിപ്പിക്കുന്നില്ലെന്നാണ് പരാതി.
SUMMARY: Media regains control in Secretariat
