ആലപ്പുഴ: ആലപ്പുഴ തുമ്പോളി എസ്.എൻ.വി.എല്.പി സ്കൂളിന് ജൂലൈ ഒന്ന് മുതല് 21 ദിവസത്തേക്ക് മുൻകാലപ്രാബല്യത്തോടെ അവധി അനുവദിച്ച് ജില്ലാ കളക്ടർ. സ്കൂളിലെ കുട്ടികള്ക്കിടയില് മുണ്ടിനീര് സ്ഥിരീകരിച്ചിട്ടുണ്ട്. രോഗം കൂടുതല് കുട്ടികളിലേക്ക് വ്യാപിക്കാതിരിക്കാൻ, ഇതിന്റെ ഇൻകുബേഷൻ കാലയളവായ 21 ദിവസം സ്കൂളിന് അവധി നല്കണമെന്ന് ജില്ലാ മെഡിക്കല് ഓഫീസർ റിപ്പോർട്ട് സമർപ്പിച്ചിരുന്നു.
ഈ സാഹചര്യത്തിലാണ് അവധി. ഈ ദിവസങ്ങളില് ക്ലാസുകള് ഓണ്ലൈനായി നടത്തുന്നതിനാവശ്യമായ ക്രമീകരണങ്ങള് ജില്ലാ വിദ്യാഭ്യാസ ഉപഡയറക്ടർ നിർവഹിക്കേണ്ടതാണ്. വിദ്യാലയങ്ങളില് മുണ്ടിനീര് പടർന്നുപിടിക്കാതിരിക്കാനുള്ള മുൻകരുതല് നടപടികള് ആരോഗ്യ, തദ്ദേശ സ്വയംഭരണ വകുപ്പുകള് സംയുക്തമായി സ്വീകരിക്കണമെന്നും ജില്ലാ കളക്ടർ ഉത്തരവില് പറയുന്നു.
SUMMARY: Mumps: 21-day holiday for LP school in Alappuzha
