ബെംഗളൂരു: ബെംഗളൂരു നമ്മ മെട്രോയുടെ ഇലക്ട്രോണിക് സിറ്റി–ബെന്നിഗാനഹള്ളി സ്റ്റേഷനുകളെ ബന്ധിച്ച് ഫീഡർ ബസ് സർവീസുകൾ ആരംഭിച്ചു. ബാംഗ്ലൂർ മെട്രോ റെയിൽ കോർപറേഷൻ (ബിഎംആർസി) ബാംഗ്ലൂർ മെട്രോപ്പൊലിറ്റൻ ട്രാൻസ്പോർട്ട് കോർപറേഷനുമായി (ബിഎംടിസി) സഹകരിച്ചാണ് സർവീസുകൾ നടത്തുന്നത്.
ഇലക്ട്രോണിക് സിറ്റി, കൊനപ്പന അഗ്രഹാര, ഹൊസ റോഡ്, ഹരലൂർ, സർജാപുര റോഡ് ജംക്ഷൻ, കാഡുബീസനഹള്ളി, മാറത്തഹള്ളി ബ്രിജ് ജംക്ഷൻ, ദൊഡഡ്നെകുണ്ഡി റെയിൽവേ ബ്രിജ്, മഹാദേവപുര ജംക്ഷൻ, കെആർ പുരം റെയിൽവേ സ്റ്റേഷൻ വഴിയാകും ബസ് കടന്നു പോവുക.
ഇരു വശങ്ങളില് നിന്നും രാവിലെ 5.30 ന് സര്വീസ് ആരംഭിക്കും. 6, 6.30, 7, 7.40, 8.20, 9,10.20, ഉച്ചയ്ക്ക് 1.15, 2, 2.40, 3.10, 3.50, വൈകിട്ട് 4.30, 5.10, 5.50, 6.30, 7.10, രാത്രി 7.50, 8.30, 9.10 എന്നീ സമയങ്ങളിൽ ബസ് സര്വീസ് ഉണ്ടായിരിക്കും.
SUMMARY: BMRC-BMTC feeder bus services have started on the Electronic City-Benniganahalli Metro Station route.
