കാസറഗോഡ്: കാഞ്ഞങ്ങാട് മടിക്കൈയില് വൈദ്യുത പോസ്റ്റില് അറ്റകുറ്റപ്പണി നടത്തുന്നതിനിടെ കെഎസ്ഇബി ജീവനക്കാരൻ ഷോക്കേറ്റ് മരിച്ചു. പുല്ലൂർ മധുരമ്പാടി സ്വദേശി ഭരതൻ (52) ആണ് മരിച്ചത്. മടിക്കൈ കണിച്ചിറ പാലത്തിനടുത്ത് വളവിലാണ് അപകടം. ലൈനിലെ തകരാർ പരിഹരിക്കാൻ പോസ്റ്റില് കയറുമ്പോള് ഷോക്കേല്ക്കുകയായിരുന്നു.
അരയില് കയർ ബന്ധിച്ചതിനാല് ഷോക്കേറ്റ് ഇലക്ട്രിക് പോസ്റ്റില് കുടുങ്ങി. അഗ്നിരക്ഷാസേന എത്തിയാണ് മൃതദേഹം താഴെ എത്തിച്ചത്. കെഎസ്ഇബി മാവുങ്കാല് സെക്ഷനിലെ ജീവനക്കാരനാണ്. മൃതദേഹം ജില്ലാശുപത്രിയില്.
SUMMARY: KSEB lineman dies of electric shock while carrying out maintenance work in Kasaragod.
