ബെംഗളൂരു: കേരളക്കരയാകെ പ്രായഭേദമന്യേ ജനങ്ങൾക്കിടയിൽ തരംഗമായി മാറിക്കഴിഞ്ഞ നന്ദഗോവിന്ദം ഭജൻസ് ആദ്യമായി മൈസൂരുവില് എത്തുന്നു. ശനിയാഴ്ച്ച വൈകുന്നേരം 5.30 മണി മുതൽ കെ.എസ്ഒയു ഓഡിറ്റോറിയത്തിൽ വച്ചാണ് പരിപാടി സംഘടിപ്പിക്കുന്നത്. മൈസൂരു സംഘമിത്ര ചാരിറ്റബിൾ ട്രസ്റ്റ് ആണ് സംഘാടകര്.
അത്യാധുനിക ശബ്ദ സംവിധാനങ്ങളും മികച്ച ദൃശ്യാവിഷ്കാരങ്ങളും ഉന്നത നിലവാരമുള്ള ഇരിപ്പിട സംവിധാനങ്ങളും പ്രസ്തുത പരിപാടിക്ക് കൂടുതൽ മിഴിവേകുമെന്ന് ട്രസ്റ്റ് ഭാരവാഹികള് പറഞ്ഞു. മൈസൂരു മലയാളികൾക്കിടയിൽ കഴിഞ്ഞ രണ്ട് പതിറ്റാണ്ട് കാലമായി പ്രവർത്തിച്ചുവരുന്ന സന്നദ്ധ സംഘടനയാണ് മൈസൂരു സംഘമിത്ര. ഏറെ കാലത്തെ സംഘാടകരുടെ പ്രവർത്തനഫലമായാണ് നന്ദഗോവിന്ദം ഭജൻസിനെ മൈസൂരുവിലേക്ക് എത്തിക്കാൻ സാധിച്ചത്. പാർശ്വവൽക്കരിക്കപ്പെട്ട ഒരു പറ്റം പെൺകുട്ടികളുടെ ഉന്നത വിദ്യാഭ്യാസത്തിന് ധനസമാഹരണം നടത്തുക എന്ന സദുദ്ദേശമാണ് പരിപാടിക്കുള്ളതെന്നും ഭാരവാഹികള് പറഞ്ഞു.
ടിക്കറ്റ് ബുക്കിങ്ങിനും കൂടുതൽ വിവരങ്ങൾക്കും ബന്ധപ്പെടുക: 7411778777, 8105065404
