ബെംഗളൂരു: ബൊമ്മസാന്ദ്രയില് പി.ജി ഹോസ്റ്റലിൽ പാചകവാതക സിലിണ്ടർ ചോർച്ചയെ തുടർന്നുണ്ടായ തീപിടുത്തത്തില് 9 അതിഥി തൊഴിലാളികൾക്ക് പൊള്ളലേറ്റു.
ഇന്നലെ രാവിലെ 6.30നു സായ് പിജിയുടെ രണ്ടാം നിലയിലാണ് സംഭവം. എം എൻജിനീയറിങ് കമ്പനിയിൽ ജോലി ചെയ്യുന്ന ബംഗാൾ സ്വദേശികളായ ഒമ്പത് തൊഴിലാളികളാണ് മുറിയിൽ താമസിച്ചിരുന്നത്. ദേബാസിസ് ഹാൽദർ, ദേബാസിസ് മാലിക്, സുബ്രത ബേര, ഹിസ്ബുൾ റഹ്മാൻ, സൗരവ് ചൗധരി, സന്തൻ റേ, സയ്യിദ് അലാഹുദ്ദീൻ, ദിസ്വാനത്ത് എന്നിവർക്കാണ് പരുക്കേറ്റത്. ഇവരിൽ ആറ് പേർക്ക് 60 ശതമാനത്തിലധികം പൊള്ളലേറ്റിട്ടുണ്ട്. ഇവർ ചന്ദപുരയിലെ ബെസ്റ്റ് ആശുപത്രിയിൽ ചികിത്സയിലാണ്. തൊഴിലാളികൾ ഭക്ഷണം പാചകം ചെയ്യുന്നതിനിടെയാണു ഗ്യാസ് ചോർന്നത്. കരാർ കമ്പനിക്കെതിരെ ഹെബ്ബഗോഡി പോലീസ് കേസെടുത്തു.
SUMMARY: Fire breaks out in PG hostel due to cylinder leak; 9 people suffer burns
