കാസറഗോഡ്: കാസറഗോഡ് ചട്ടഞ്ചാല് വ്യവസായ പാർക്കിലെ പ്ലാസ്റ്റിക് റീസൈക്ലിംഗ് ഫാക്ടറിയില് ഇന്ന് പുലർച്ചെ അഞ്ചരയോടെ വൻ തീപിടിത്തമുണ്ടായി. പ്ലാസ്റ്റിക് ഗ്രാന്യൂള്സ് നിർമ്മിക്കുന്നതിനായി അവ തരംതിരിച്ചു സൂക്ഷിച്ചിരുന്ന യൂണിറ്റിലാണ് തീ പടർന്നത്. വിവരമറിഞ്ഞ ഉടൻ കാസറഗോഡ്, കുറ്റിക്കോല്, കാഞ്ഞങ്ങാട് എന്നിവിടങ്ങളില് നിന്നും ഫയർഫോഴ്സ് യൂണിറ്റുകള് സ്ഥലത്തെത്തി തീ പൂർണ്ണമായും അണച്ചു.
അപകടത്തില് ആർക്കും പരുക്കേറ്റിട്ടില്ല. ഫാക്ടറിക്കുള്ളിലൂടെ രണ്ട് മീറ്റർ ആഴത്തില് ഗെയില് വാതക പൈപ്പ് ലൈൻ കടന്നുപോകുന്നത് ആദ്യം ആശങ്ക പരത്തിയിരുന്നുവെങ്കിലും, തീ പൂർണ്ണമായും നിയന്ത്രണവിധേയമാക്കിയ ശേഷം ഉദ്യോഗസ്ഥർ പൈപ്പ് ലൈനിന്റെ സുരക്ഷ പരിശോധിച്ചു. വലിയ ദുരന്തം ഒഴിവായതിന്റെ ആശ്വാസത്തിലാണ് അധികൃതരും നാട്ടുകാരും.
SUMMARY: Massive fire at a plastic factory in the Kasaragod industrial park
