ബെംഗളൂരു: ചിക്കബാണവര കേന്ദ്രീകരിച്ച് രൂപീകരിച്ച സ്മൈല് ബെംഗളൂരു ചാരിറ്റബിള് ട്രസ്റ്റിന്റെ ഉദ്ഘാടനവും കുടുംബ സംഗമവും ആചാര്യ കോളേജ് റോഡിലെ ഐശ്വര്യ പാര്ട്ടി ഹാളില് വച്ച് നടന്നു. പ്രസിഡന്റ് സജിത് നമ്പ്യാര് അധ്യക്ഷത വഹിച്ച പൊതുയോഗത്തില് നോര്ക്ക ഡെവലപ്മെന്റ് ഓഫീസര് ജയപ്രകാശ് ഉദ്ഘാടനം ചെയ്തു. ട്രസ്റ്റിന്റെ ഉദ്ദേശ ലക്ഷ്യങ്ങള് ട്രസ്റ്റ് പ്രസിഡന്റ് സജിത് നമ്പ്യാര് വിശദീകരിച്ചു.
സാമൂഹ്യ പ്രവര്ത്തകന് മൊയ്തു മണിയൂര്, മലയാളം മിഷന് കണ്വീനര് ടോമി ജെ ആലുങ്കാല് പിന്നണി ഗായിക കുമാരി ശ്രീലക്ഷ്മി ജയചന്ദ്രന് എന്നിവരെ ചടങ്ങില് ആദരിച്ചു. കുടുംബ ബന്ധങ്ങളുടെ വര്ത്തമാനം എന്ന വിഷയത്തില് ബിജു കാവില് പ്രഭാഷണം നടത്തി. മീനാക്ഷി സ്കൂള് ഓഫ് ഡാന്സ് ടീം അവതരിപ്പിച്ച നൃത്തങ്ങള്, സ്മൈല് കുടുംബാംഗങ്ങള് നടത്തിയ വിവിധ കലാപരിപാടികള്, കുമാരി ശ്രീലക്ഷ്മി, മാസ്റ്റര് പ്രണവ് എന്നിവരുടെ ഗാനങ്ങള്, റിഥം മ്യൂസിക്ക് കണ്ണൂര് അവതരിപ്പിച്ച ഗാനമേള എന്നിവയുണ്ടായിരുന്നു.
SUMMARY: Smile Bengaluru Charitable Trust inauguration and family reunion
