സനാ: യെമെനിലെ തുറമുഖവും സൗദി അറേബ്യയുടെ എണ്ണ യുദ്ധീകരണശാലയും ആക്രമിച്ച് ഹൂതി വിമതർ. യെമെനിലെ ചെങ്കടൽ തുറമുഖ നഗരമായ മോച്ചയിലുണ്ടായ ഹൂതി ആക്രമണത്തിൽ ഏഴ് പേർ കൊല്ലപ്പെട്ടു. 30 പേർക്ക് പരിക്കേറ്റു. തിങ്കളാഴ്ച പുലർച്ചെയുണ്ടായ ആക്രമണത്തിൽ നാല് സൈനികരും മൂന്ന് സാധാരണക്കാരുമാണ് കൊല്ലപ്പെട്ടത്.
സൈനിക ക്യാമ്പുകൾക്ക് പുറമെ നഗരത്തിലെ ജനവാസ മേഖലകളെയും അടിസ്ഥാന സൗകര്യങ്ങളെയും ലക്ഷ്യമിട്ടാണ് ഹൂതികൾ ആക്രമണം നടത്തിയതെന്ന് യെമൻ സൈനിക വക്താവ് വ്യക്തമാക്കി. ബാലിസ്റ്റിക് മിസൈലുകളും ഡ്രോണുകളും ഉപയോഗിച്ചായിരുന്നു ആക്രമണം.
സൗദി അറേബ്യയുടെ ദേശീയ എണ്ണക്കമ്പനിയായ അരാംകോയുടെ ജിസാൻ എണ്ണ ശുദ്ധീകരണ ശാലയ്ക്കുനേരേയാണ് ഹൂതികളുടെ ഡ്രോണാക്രമണമുണ്ടായത്. ശാലയ്ക്ക് തീപിടിച്ചു. ഞായറാഴ്ച പുലർച്ചെയായിരുന്നു ആക്രമണം. ആളപായമില്ല. തീയണച്ചതായി അധികൃതർ അറിയിച്ചു.
SUMMARY: Houthi attacks Yemeni port and Saudi oil refinery; seven dead
