കൊച്ചി: കർക്കിടക വാവുബലി തർപ്പണത്തിനായി എത്തുന്ന ജനങ്ങളുടെ യാത്രാസൗകര്യം മുൻനിർത്തി കൊച്ചി മെട്രോ സർവീസ് സമയത്തില് മാറ്റം വരുത്തി. ഓഗസ്റ്റ് 11 ചൊവ്വാഴ്ച രാത്രിയിലും, ഓഗസ്റ്റ് 12 ബുധനാഴ്ച പുലർച്ചെയുമാണ് കൊച്ചി മെട്രോ കൂടുതല് സർവീസുകള് ഏർപ്പെടുത്തിയിട്ടുള്ളതെന്ന് അധികൃതർ പത്രക്കുറിപ്പില് അറിയിച്ചു.
ഓഗസ്റ്റ് 11 ചൊവാഴ്ച രാത്രി തൃപ്പൂണിത്തുറ മെട്രോ സ്റ്റേഷനില് നിന്നും ആലുവയിലേക്ക് രാത്രി 11:15-നും 11:30-നും പ്രത്യേക സർവീസുകള് ഉണ്ടായിരിക്കും. കൂടാതെ ബലിതർപ്പണ ദിനമായ ഓഗസ്റ്റ് 12 ബുധനാഴ്ച്ച പുലർച്ചെ ആലുവയില് നിന്നും 5:00-നും 5:30-നും തൃപ്പൂണിത്തുറയിലേക്ക് സർവീസ് നടത്തുമെന്നും മെട്രോ അധികൃതർ വ്യക്തമാക്കി.
കർക്കിടക വാവിനോടനുബന്ധിച്ച് സംസ്ഥാനത്തുടനീളം ഓഗസ്റ്റ് 12 ബുധനാഴ്ച വിപുലമായ ചടങ്ങുകളാണ് സംഘടിപ്പിച്ചിരിക്കുന്നത്. ആലുവ മണപ്പുറം, തിരുവല്ലം പരശുരാമ ക്ഷേത്രം, വർക്കല പാപനാശം കടപ്പുറം, തിരുനാവായ നാവാമുകുന്ദ ക്ഷേത്രം തുടങ്ങിയ പ്രധാന തർപ്പണ കേന്ദ്രങ്ങളിലേക്ക് ആയിരക്കണക്കിന് പേർ എത്തുമെന്നാണ് പ്രതീക്ഷിക്കുന്നത്.
SUMMARY: Karkidaka Vavu Bali Tharpanam: Kochi Metro timings extended
