ബെംഗളൂരു: ബെംഗളൂരു മലയാളി റൈറ്റേഴ്സ് ആന്റ് ആർട്ടിസ്റ്റ്സ് ഫോറം പുറത്തിറക്കിയ വൈഖരി സാഹിത്യസമാഹാരത്തിന്റെ ആദ്യഭാഗത്തിലെ രചനകളെ ആസ്പദമാക്കി സംഘടിപ്പിച്ച സാഹിത്യ ചർച്ച നോർക്ക ഡെവലപ്മെന്റ് ഓഫീസർ ജയപ്രകാശ് എം. കെ. ഉദ്ഘാടനം ചെയ്തു. പ്രസിഡന്റ് സതീഷ് തോട്ടശ്ശേരി അധ്യക്ഷത വഹിച്ചു.
സുധാകരൻ രാമന്തളി, കെ. ആർ. കിഷോർ, ഉമേഷ് രാമൻ, വിഷ്ണുമംഗലം കുമാർ, രമ പിഷാരടി, കല. ജി. കെ., സുദേവൻ പുത്തൻചിറ, ബിന്ദു സജീവ്, ബിന്ദു പി. മേനോൻ, രതി സുരേഷ്, ജെ. എം. ജയചന്ദ്രൻ, പൊന്നമ്മ ദാസ്, പി. പി. പ്രദീപ്, അർച്ചന സുനിൽ തുടങ്ങിയ ബെംഗളൂരുവിലെ എഴുത്തുകാരും സാംസ്കാരിക പ്രവർത്തകരും കഥകളും കവിതകളും ലേഖനങ്ങളും അടങ്ങിയ സാഹിത്യസൃഷ്ടികൾ രചയിതാക്കളുടെ സാന്നിധ്യത്തിൽ വിശകലനം ചെയ്തു.
വി. ആർ. ഹർഷൻ, രഞ്ജിത്, തങ്കച്ചൻ പന്തളം, ജെയിംസ് അബ്രഹാം, ഡോ. സ്വർണ്ണ ജിതിൻ തുടങ്ങിയ എഴുത്തുകാർ രചനാനുഭവങ്ങൾ പങ്കുവെച്ചു. സെക്രട്ടറി ശാന്തകുമാർ എലപ്പുള്ളി സ്വാഗതവും എഡിറ്റർ മുഹമ്മദ് കുനിങ്ങാട് നന്ദിയും പറഞ്ഞു.
ഇരുപത്തിയെട്ട് വർഷം പിന്നിട്ട റൈറ്റേഴ്സ് ഫോറം പുറത്തിറക്കിയ പ്രഥമ സാഹിത്യസമാഹാരമായ വൈഖരിയുടെ ആദ്യ പകുതിയിലെ 22 രചനകളാണ് ചർച്ചയ്ക്കായി തിരഞ്ഞെടുത്തത് . അവശേഷിക്കുന്ന 22 രചനകൾ അടുത്ത പരിപാടിയിൽ ചർച്ച ചെയ്യുമെന്ന് റൈറ്റേഴ്സ് ഫോറം ഭാരവാഹികൾ അറിയിച്ചു.
SUMMARY: Writers Forum organized a discussion on the Vaikhari literary collection
SUMMARY: Writers Forum organized a discussion on the Vaikhari literary collection
