കാസറഗോഡ്: ചെമ്മനാട് മീപ്പുഗിരി സ്വദേശികളായ അച്ഛനെയും മകളെയും വാടക വീട്ടില് തൂങ്ങി മരിച്ച നിലയില് കണ്ടെത്തി. മീപ്പുഗിരിയിലെ ഗണേശനും(55), പ്ലസ് ടു വിദ്യാര്ഥിനിയായ മകള് വൈഷ്ണവി(17) എന്നിവരാണ് മരിച്ചത്. ശനിയാഴ്ച രാത്രി 9.30ഓടെ മകള് തൂങ്ങി മരിച്ചെന്ന് ഗണേശന് അയല്വാസികളെ അറിയിച്ചിരുന്നു. തുടര്ന്ന് ഇയാള് വീട്ടില് തിരിച്ചുപോയി വാതിലടച്ചു.
അയല്വാസികള് ഉടന് പോലിസിനെ വിവരമറിയിച്ചു. രാത്രി 11.10ഓടെ മേല്പ്പറമ്പ് പോലിസ് എത്തി വാതില് പൊളിച്ച് അകത്തുകടന്നപ്പോഴാണ് മകള് മരിച്ച അതേ ഹുക്കില് അച്ഛനെയും തൂങ്ങിമരിച്ച നിലയില് കണ്ടത്. ചെമ്മനാട് കോളിയടുക്കം ശിവപുരം ക്ഷേത്രത്തിന് സമീപത്തെ വാടക വീടിനകത്ത് കിടപ്പുമുറിയില് ഒരേ ഹുക്കിലാണ് ഇരുവരെയും തൂങ്ങി മരിച്ച നിലയില് കണ്ടെത്തിയത്.
SUMMARY: A father and daughter were found hanging in a rented house in Kasaragod
