ബെംഗളൂരു: കേരളസമാജം കർണാടക ഈസ്റ്റ് ഡിവിഷൻ്റെ നേതൃത്വത്തിൽ ഓണാഘോഷങ്ങളുടെ ഭാഗമായി സംഘടിപ്പിക്കുന്ന ഓണച്ചന്ത നാളെ മുതൽ 25 വരെ ഇമ്മാടിഹള്ളി, വൈറ്റ്ഫീൽഡിലെ സമാജം ഹാളില് നടക്കും. ഓണസദ്യയ്ക്കാവശ്യമായ വിവിധ സാധനങ്ങളും കേരളത്തിൽ നിന്ന് നേരിട്ട് എത്തിക്കുന്ന നാടൻ പച്ചക്കറികളും ഇവിടെ മിതമായ നിരക്കിൽ ലഭ്യമാകും. ബെംഗളൂരുവിലെ മലയാളികൾക്ക് ഓണത്തിനാവശ്യമായ സാധനങ്ങൾ ഒരിടത്ത് നിന്ന് വാങ്ങാനുള്ള അവസരമാണ് ഒരുക്കിയിരിക്കുന്നത്.
ഓണച്ചന്തയോടനുബന്ധിച്ച് ഓഗസ്റ്റ് 22ന് സൗജന്യ മെഡിക്കൽ ക്യാമ്പും സംഘടിപ്പിക്കും. കേരള സമാജം കുടുംബാംഗങ്ങൾക്കും പൊതുജനങ്ങൾക്കും ക്യാമ്പിൻ്റെ സേവനം പ്രയോജനപ്പെടുത്താം. കൂടുതൽ വിവരങ്ങൾക്ക് ബന്ധപ്പെടുക 9739709558.
