കോഴിക്കോട്: വടകര തിരുവള്ളൂരില് തെരുവുനായയുടെ ആക്രമണത്തില് മൂന്ന് വയസുകാരിയടക്കം നിരവധി പേർക്ക് പരുക്ക്. വെള്ളിയാഴ്ച വൈകുന്നേരമാണ് സംഭവം. ഇതരസംസ്ഥാന തൊഴിലാളിയുടെ വീട്ടില് കയറിയ തെരുവുനായയാണ് ആക്രമണം നടത്തിയത്. വീട്ടിനുള്ളില് കയറിയ നായ മൂന്ന് വയസുകാരിയെ കടിച്ചുകൊണ്ട് പുറത്തേക്ക് കൊണ്ടുപോകാനും ശ്രമിച്ചതായി റിപ്പോർട്ടുണ്ട്.
ആക്രമണത്തില് കുട്ടിയുള്പ്പെടെ നിരവധി പേർക്ക് നായയുടെ കടിയേറ്റു. പരുക്കേറ്റവരെ വടകര താലൂക്ക് ആശുപത്രിയില് പ്രവേശിപ്പിച്ച് പ്രാഥമിക ചികിത്സ നല്കി വിട്ടയച്ചു. തിരുവള്ളൂർ മേഖലയിലും പരിസര പ്രദേശങ്ങളിലും തെരുവുനായ ശല്യം രൂക്ഷമായി തുടരുന്നതായി നാട്ടുകാർ പറയുന്നു. തെരുവുനായകളുടെ ആക്രമണം തടയാൻ അടിയന്തര നടപടി വേണമെന്ന ആവശ്യവും ഉയരുന്നുണ്ട്.
SUMMARY: three-year-old boy playing inside his house was bitten by a stray dog
