ചെന്നൈ: നടി അംബികക്ക് എതിരെ സഹോദരി രാധ നല്കിയ പരാതിക്കെതിരെ അംബിക. താൻ ആരുടെയും പണം മോഷ്ടിച്ചിട്ടില്ല എന്നും മോഷ്ടിച്ചു എന്നു രാധ പറഞ്ഞ ചെക്കുകള് സെറ്റില്മെന്റിന്റെ ഭാഗമായി തനിക്ക് നല്കിയതാണ് എന്നാണ് അംബിക വാർത്താ സമ്മേളനത്തിലൂടെ വ്യക്തമാക്കുന്നത്. രാധ തനിക്ക് 97 കോടി രൂപ തരാനുണ്ട് എന്നും കേസുമായി മുന്നോട്ടുപോകാനാണ് തീരുമാനം എന്നും അംബിക വ്യക്തമാക്കി.
ഇവരുടെ നേതൃത്വത്തിലുള്ള എആർഎസ് സ്റ്റുഡിയോയില് സൂക്ഷിച്ചിരിക്കുന്ന അഞ്ചു ചെക്കുകള് അംബിക മോഷ്ടിച്ചെന്നും 46 കോടി രൂപ തട്ടിയെടുക്കാൻ ശ്രമിച്ചു എന്നായിരുന്നു അംബികക്കെതിരെ സഹോദരി രാധ നല്കിയ പരാതി. എന്നാല് സ്റ്റുഡിയോയിലെ ഷെയറും തന്റെ സ്വർണാഭരണങ്ങളുടെ വിലയും ചേർത്ത് 97 കോടി രൂപ രാധ നല്കാൻ ഉണ്ടെന്നാണ് അംബിക പറയുന്നത്. അഞ്ചു ചെക്കുകള് ആണ് തനിക്ക് നല്കിയത്.
സെറ്റില്മെന്റിന്റെ ഭാഗമായിട്ടാണ് രാധയുടെ മാനേജർ വീട്ടിലെത്തി തനിക്ക് ചെക്കുകള് കൈമാറിയത് എന്നും അംബിക പറയുന്നു. എന്നാല് ബാങ്കില് ചെക്ക് സമർപ്പിച്ച ഉടനെ രാധ അത് ബ്ലോക്ക് ചെയ്തു. കൂടാതെ സ്വത്ത് തർക്കവുമായി ബന്ധപ്പെട്ട് ഉണ്ടാക്കിയ അഫിഡഫിറ്റും തന്റെ പക്കല് ഉണ്ട് വഞ്ചനയ്ക്കും മാനനഷ്ടത്തിലും ചെക്ക് മടങ്ങിയതിനും രാധയ്ക്കെതിരെ കേസ് നല്കുമെന്നും അംബിക അറിയിച്ചു.
വസ്തുതകള് മറച്ചുവെച്ചുകൊണ്ട് രാധ കള്ള കരച്ചില് കരയുകയാണെന്നും അംബിക പറയുന്നു. അതേസമയം വീട്ടില് ഒപ്പിട്ടു സൂക്ഷിച്ചിരുന്ന ചെക്കുകള് തട്ടിയെടുത്ത് 46 കോടി രൂപ തട്ടാൻ ശ്രമിച്ചു എന്നാണ് അംബികക്കും സഹോദരൻ മല്ലികാർജുനും എതിരെ രാധ പരാതി നല്കിയത്. രാവിലെ ചെന്നൈ പോലീസ് കമ്മീഷണർ ഓഫീസില് എത്തിയാണ് രാധ പരാതി സമർപ്പിച്ചത്. ഇതിന്റെ അടിസ്ഥാനത്തില് പോലീസ് അന്വേഷണം ആരംഭിച്ചിട്ടുണ്ട്.
SUMMARY: Ambika speaks out against her sister Radha in a cheque fraud case
