ബെംഗളൂരു: ദീപാവലിയോടനുബന്ധിച്ച് യാത്രാത്തിരക്ക് പരിഗണിച്ച് ബെംഗളൂരു-കണ്ണൂർ റൂട്ടിൽ സ്പെഷ്യൽ ട്രെയിൻ അനുവദിച്ച് റെയിൽവേ. ഇരുവശത്തേക്കും ഓരോ സർവീസ് വീതമാണ് നടത്തുക.
ബെംഗളൂരു എസ്.എം.വി.ടി.-കണ്ണൂർ ട്രെയിൻ (06545) നവംബർ ഏഴിന് പുലർച്ചെ 12.05-ന് (നവംബർ ആറ് അർധരാത്രി) എസ്.എം.വി.ടി.യിൽ നിന്ന് പുറപ്പെട്ട് ഉച്ചയ്ക്ക് ശേഷം രണ്ടിന് കണ്ണൂരിൽ എത്തിച്ചേരും.
കണ്ണൂർ-ബെംഗളൂരു എസ്.എം.വി.ടി. (06546) നവംബർ ഏഴിന് വൈകിട്ട് 6.25-ന് കണ്ണൂരിൽ നിന്ന് പുറപ്പെട്ട് അടുത്തദിവസം രാവിലെ 9.45-ന് എസ്.എം.വി.ടി.യിൽ എത്തും.
വൈറ്റ്ഫീൽഡ്, ബെംഗളൂരു ഈസ്റ്റ്, കുപ്പം, സേലം, ഈറോഡ്, തിരുപ്പൂർ, പോത്തന്നൂർ, പാലക്കാട്, ഷൊർണൂർ, തിരൂർ, കോഴിക്കോട്, വടകര, തലശ്ശേരി എന്നിവിടങ്ങളിൽ സ്റ്റോപ്പുണ്ട്.
SUMMARY: Diwali Travel Rush: Special Train on the Bengaluru-Kannur Route
