ബെംഗളൂരു: കർണാടക സ്റ്റേറ്റ് ഇലക്ട്രോണിക്സ് ഡെവലപ്മെന്റ് കോർപ്പറേഷൻ മുൻ ചെയർമാനും കോൺഗ്രസ് നേതാവുമായ ജോസഫ് സ്റ്റാലിൻ(57) അന്തരിച്ചു. മസ്തിഷ്ക സംബന്ധമായ അസുഖത്തെത്തുടർന്ന് ചികിത്സയിലായിരുന്നു.
വിദ്യാർഥി രാഷ്ട്രീയത്തിലൂടെ പൊതു പ്രവർത്തനരംഗത്ത് എത്തിയ ജോസഫ് സ്റ്റാലിൻ ഇന്ത്യൻ നാഷനൽ വിദ്യാര്‍ഥി യൂനിയൻ (എന്‍.എസ്.യു.ഐ) സംസ്ഥാന പ്രസിഡന്‍റ്, എ.ഐ.സി.സി. അംഗം എന്നീ നിലകളിലും പ്രവർത്തിച്ചിട്ടുണ്ട്. വിദ്യാർഥിരാഷ്ട്രീയത്തിലൂടെയാണ് പൊതുപ്രവർത്തനരംഗത്ത് എത്തിയത്. കർണാടക മുൻമുഖ്യമന്ത്രി എസ്.എം. കൃഷ്ണയുമായി അടുത്ത ബന്ധം പുലർത്തിയിരുന്നു. 1996-ൽ എൻ.എസ്.യു.ഐ. സംസ്ഥാന പ്രസിഡന്റായി ചുമതലയേറ്റ ജോസഫ് സ്റ്റാലിൻ പത്തുവർഷം പദവിയിൽ തുടർന്നു. 2006-ൽ കർണാടക സ്റ്റേറ്റ് ഇലക്ട്രോണിക്സ് ഡെവലപ്മെന്റ് കോർപ്പറേഷൻ ചെയർമാനായി
വൈപ്പിശ്ശേരി ജേക്കബ്-എലിസബത്ത്‌ ദമ്പതികളുടെ മകനാണ്. ഭാര്യ: ലീന. മകൾ: മിലാന. സംസ്കാരം ശനിയാഴ്ച 2.30-ന് ന്യൂ ഗുഡ്ഡഹള്ളി സെയ്ന്റ് ആന്റണീസ് പള്ളിയിലെ ശുശ്രൂഷകൾക്കുശേഷം മൈസൂരു റോഡ് കത്തോലിക്കാ സെമിത്തേരിയിൽ നടക്കും.
SUMMARY: Joseph Stalin, a Congress leader in Karnataka and a native of Kerala, has passed away.
