ബെംഗളൂരു: നഗരത്തിലെ മഞ്ചപ്പനഹള്ളി പാപ്പണ്ണ ലേഔട്ടിൽ കാറിനുള്ളിൽ സ്ക്രാപ്പ് വ്യാപാരിയെ വെടിയറ്റു മരിച്ച നിലയിൽ കണ്ടെത്തി. ബെന്നർഘട്ട റോഡ് സ്വദേശിയായ ഇംറാസ് പാഷ (45) ആണ് കൊല്ലപ്പെട്ടത്. തലയ്ക്ക് വെടിയേറ്റ മുറിവുകളോടെയാണ് മൃതദേഹം കണ്ടെത്തിയത്.
കാറിനുള്ളിൽ ഒരാൾ മരിച്ചുകിടക്കുന്നതായി വിവരം ലഭിച്ചതിനെ തുടർന്ന് പോലീസ് സ്ഥലത്തെത്തി പരിശോധന നടത്തുകയായിരുന്നു. സംഭവസ്ഥലത്തുനിന്ന് വെടിയുണ്ടയുടെ ഒഴിഞ്ഞ പുറംതോട് കണ്ടെത്തിയിട്ടുണ്ട്. ഇതോടെ വെടിവെച്ചാണ് കൊലപാതകം നടത്തിയതെന്ന സംശയം ശക്തമായി.
ബിസിനസ് സംബന്ധമായ തർക്കമാണോ കൊലപാതകത്തിന് പിന്നിലെന്ന കാര്യവും പോലീസ് പരിശോധിക്കുന്നുണ്ട്. ഇംറാസ് പാഷയെ അവസാനമായി കാണാൻ വിളിച്ച വ്യക്തിയെ കേന്ദ്രീകരിച്ചും അന്വേഷണം പുരോഗമിക്കുകയാണ്. കൊലപാതകത്തിന് പിന്നിലെ കാരണം ഇതുവരെ വ്യക്തമായിട്ടില്ല.
മൃതശരീരം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. പ്രതികളെ കണ്ടെത്തുന്നതിനും സംഭവത്തിന്റെ യഥാർഥ കാരണം വ്യക്തമാക്കുന്നതിനുമായി പോലീസ് അന്വേഷണം തുടരുകയാണ്.
SUMMARY: Body of scrap dealer found inside car with gunshot wounds
















