യെദിയൂരപ്പക്കെതിരായ പോക്സോ കേസ്; എതിർ സത്യവാങ്മൂലം സമർപ്പിക്കുന്നതുവരെ അറസ്റ്റ് പാടില്ലെന്ന് ഹൈക്കോടതി
ബെംഗളൂരു: പോക്സോ കേസിൽ മുൻ മുഖ്യമന്ത്രിയും മുതിർന്ന ബിജെപി നേതാവുമായ ബി. എസ് യെദിയൂരപ്പക്കെതിരെ എതിർ സത്യവാങ്മൂലം സമർപ്പിക്കുന്നതുവരെ അറസ്റ്റ് പാടില്ലെന്ന് കർണാടക ഹൈക്കോടതി. കേസിൽ അറസ്റ്റ് തടഞ്ഞ ഉത്തരവ് ഹൈക്കോടതി രണ്ടാഴ്ചത്തേക്ക് കൂടി നീട്ടി. കേസിൽ സിഐഡി കഴിഞ്ഞ ദിവസം വിചാരണക്കോടതിയിൽ കുറ്റപത്രം സമർപ്പിച്ചിരുന്നു. ഇതിന് പിന്നാലെ അറസ്റ്റ് തടയണമെന്നും എഫ്ഐആർ റദ്ദാക്കണമെന്നും ആവശ്യപ്പെട്ട് യെദിയൂരപ്പ ഹൈക്കോടതിയെ സമീപിക്കുകയായിരുന്നു.
യെദിയൂരപ്പ സമർപ്പിച്ച ഹർജിയിൽ ജസ്റ്റിസ് കൃഷ്ണ എസ്. ദീക്ഷിതിൻ്റെ ബെഞ്ച് എതിർപ്പുകൾ ഫയൽ ചെയ്യാൻ പ്രോസിക്യൂഷന് അനുമതി നൽകി. സ്പെഷ്യൽ പബ്ലിക് പ്രോസിക്യൂട്ടർ എതിർപ്പുകൾ ഫയൽ ചെയ്യാൻ സമയം തേടുകയും കുറ്റപത്രം സമർപ്പിച്ചതിനാൽ യെദിയൂരപ്പയുടെ ഹർജി നിലനിൽക്കില്ലെന്നും വാദിച്ചു.
ഈ വർഷം മാർച്ച് 14ന് രജിസ്റ്റർ ചെയ്ത കേസിൽ യെദിയൂരപ്പക്കെതിരെ ജൂൺ 13ന് ബെംഗളൂരു കോടതി ജാമ്യമില്ലാ അറസ്റ്റ് വാറണ്ട് പുറപ്പെടുവിച്ചു. എന്നാൽ ഇതിനെതിരെ യെദിയൂരപ്പ ഹൈക്കോടതിയെ സമീപിച്ചു. തുടർന്ന് 14ന് യെദിയൂരപ്പക്കെതിരായ അറസ്റ്റ് വാറന്റ് ഹൈക്കോടതി തടഞ്ഞിരുന്നു. യെദിയൂരപ്പയുടെ സഹായികളായ അരുൺ വൈ. എം., രുദ്രേഷ് എം., ജി മാരിസ്വാമി എന്നിവർക്കെതിരെയും സിഐഡി കേസെടുത്തിട്ടുണ്ട്.
TAGS: KARNATAKA | HIGH COURT | BS YEDIYURAPPA
SUMMARY: Karnataka hc extends interim order restraining arrest of yediyurappa
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.