ചെന്നൈ: വയനാട്ടില് കനത്ത മഴയ്ക്കിടെ ചൊവ്വാഴ്ച പുലര്ച്ചെയുണ്ടായ ഉരുൾപൊട്ടലിൽ രക്ഷാപ്രവർത്തനം പുരോഗമിക്കുമ്പോൾ അടിയന്തര ഇടപെടലുമായി തമിഴ്നാട് മുഖ്യമന്ത്രി എം.കെ. സ്റ്റാലിൻ. രക്ഷാപ്രവർത്തനത്തിനും പുനരധിവാസത്തിനുമായി കേരളത്തിന് 5 കോടി രൂപ നൽകുമെന്ന് അദ്ദേഹം അറിയിച്ചു.
ദുരിതാശ്വാസ പ്രവർത്തനങ്ങൾക്ക് സഹായമായി സീനിയർ ഐഎഎസ് ഉദ്യോഗസ്ഥരായ കെഎസ് സമീരൻ, ജോണി ടോം വർഗീസ് എന്നിവരുടെ നേതൃത്വത്തിൽ ഒരു സംഘം ഉദ്യോഗസ്ഥരെ വയനാട്ടിലേക്ക് നിയോഗിച്ചതായും അദ്ദേഹം അറിയിച്ചു.
രക്ഷാപ്രവർത്തനത്തിനായി തമിഴ്നാട്ടിലെ അഗ്നിശമനസേനയിലെ ജോയിന്റ് ഡയറക്ടറുടെ നേതൃത്വത്തിൽ 20 രക്ഷാപ്രവർത്തകരേയും, ഒരു എസ്പിയുടെ നേതൃത്വത്തിൽ 20 ദുരന്തനിവരണ ടീമിനേയും,10 ഡോക്ടർമാരും നേഴ്സുമാരുമടങ്ങുന്ന മെഡിക്കല് സംഘത്തേയും ചുമതലപ്പെടുത്തി. ഇവർ കേരളത്തിലെ ഉദ്യോഗസ്ഥർക്കൊപ്പം പ്രവർത്തിക്കുമെന്ന് മുഖ്യമന്ത്രി സ്റ്റാലിൻ അറിയിച്ചു.
<BR>
TAGS : WAYANAD LANDSLIPE | TAMILNADU
SUMMARY : Tamil Nadu announces 5 crore aid to Wayanad; A special team will be sent for relief work
WhatsApp
Telegram
