ബെംഗളൂരു: സ്വകാര്യ ബസ് മറിഞ്ഞ് നിരവധി യാത്രക്കാർക്ക് പരുക്ക്. ബെംഗളൂരുവിൽ നിന്ന് മംഗളൂരുവിലേക്ക് വരികയായിരുന്ന സ്വകാര്യ ബസാണ് അപകടത്തിൽപെട്ടത്. ബണ്ട്വാൾ താലൂക്കിലെ ഫിരംഗിപേട്ടിന് സമീപത്തെ റോഡിലാണ് ബസ് മറിഞ്ഞത്. 30ഓളം യാത്രക്കാരായിരുന്നു ബസിലുണ്ടായിരുന്നത്.
പരുക്കേറ്റവരിൽ ആറ് പേരുടെ നില അതീവഗുരുതരമാണ്. ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്ന് പോലീസ് പറഞ്ഞു.
നിയന്ത്രണം വിട്ട ബസ് ആദ്യം മരത്തിൽ ഇടിച്ച ശേഷം റോഡിലേക്ക് മറിയുകയായിരുന്നു. ഫയർ ഫോഴ്‌സും പോലീസും സ്ഥലത്തെത്തി യാത്രക്കാരെ രക്ഷപ്പെടുത്തി സമീപത്തെ ആശുപത്രിയിലേക്ക് മാറ്റി. സംഭവത്തിൽ ബണ്ട്വാൾ പോലീസ് കേസെടുത്തു.
TAGS: KARNATAKA | ACCIDENT
SUMMARY: Bus overturns near Mangaluru, passengers injured
