കൊച്ചി നെടുമ്പാശ്ശേരി വിമാനത്താവളത്തിന്റെ ആകാശ ചിത്രം ഡ്രോണ്‍ ഉപയോഗിച്ച്‌ പകർത്തി ഇൻസ്റ്റാഗ്രാമില്‍ പോസ്റ്റ് ചെയ്ത പ്രമുഖ വ്ളോഗർക്കെതിരെ പോലീസ് കേസ് രജിസ്റ്റർ ചെയ്തു. കോഴിക്കോട് ഏടച്ചേരി സ്വദേശി അർജുൻ സാബ്.എസ്(24) എന്നയാള്‍ക്കെതിരെ ബുധനാഴ്ചയാണ് പോലീസ് കേസ് രജിസറ്റർ ചെയ്തത്.
ഇയാള്‍ വീഡിയോ പങ്കുവച്ചത് മല്ലു ഡോറ എന്ന ഇന്‍സ്റ്റഗ്രാം പേജിലാണ്. ഇത്തരത്തില്‍ കൊച്ചി വിമാനത്താവളത്തിൻ്റെ ആകാശ ദൃശ്യങ്ങള്‍ പോസ്റ്റ് ചെയ്ത ഇൻസ്റ്റാഗ്രാം പേജിനെക്കുറിച്ച്‌ വിവരം ലഭിച്ചത് അടുത്തിടെയാണെന്നാണ് നെടുമ്പാശ്ശേരി പോലീസ് അറിയിച്ചത്.
സംഭവം സത്യമാണെന്ന് കണ്ടെത്തിയത് ഇതിൻ്റെ അടിസ്ഥാനത്തില്‍ നടത്തിയ പരിശോധനയിലാണ്. ഇതേത്തുടർന്ന് എയർപോർട്ട് അധികൃതർ ആർക്കെങ്കിലും ഡ്രോണ്‍ പറത്താൻ അനുമതി നല്‍കിയിരുന്നോയെന്ന് ചോദിച്ചപ്പോള്‍ ഇല്ലെന്നായിരുന്നു പോലീസിന് ലഭിച്ച മറുപടി. കൊച്ചി വിമാനത്താവളം ഡ്രോണുകളുടെ നിരോധിത മേഖലയാണ്.
ഇൻസ്റ്റഗ്രാം ഐ ഡി ട്രാക്ക് ചെയ്ത പോലീസ്, ഇയാളെ ചോദ്യം ചെയ്യുകയും, ഡ്രോണ്‍ പറത്തിയത് അനുമതിയില്ലാതെയാണെന്ന് അർജുൻ പോലീസിനോട് സമ്മതിക്കുകയുമായിരുന്നു. ഡ്രോണ്‍ ഉപയോഗിച്ച്‌ ദൃശ്യങ്ങള്‍ പകർത്തിയത് ഓഗസ്റ്റ് 26നാണ്. ഇയാള്‍ക്കെതിരെ കേസെടുക്കുകയും ജാമ്യത്തില്‍ വിട്ടയക്കുകയും ചെയ്തു.
TAGS : KOCHI AIRPORT | DROWN
SUMMARY : Drone captures scenes of Kochi airport; Police registered a case against the vlogger
