മലപ്പുറം: മലപ്പുറത്ത് നിപ്പ സ്ഥിരീകരിച്ച സാഹചര്യത്തില് പനിയുള്ളവരെ കണ്ടെത്താന് ഇന്നുമുതല് ഫീവര് സര്വേ ആരംഭിക്കും. നിപ സ്ഥിരീകരിച്ച പ്രദേശത്തിന്റെ മൂന്ന് കിലോമീറ്റര് ചുറ്റളവിലുള്ള വാര്ഡുകളിലാണ് സര്വേ നടക്കുക. തിരുവാലി, മമ്പാട് പഞ്ചായത്തുകളിലെ അഞ്ചു വാര്ഡുകളാണ് നിലവില് കണ്ടൈന്മെന്റ് സോണ് ആക്കിയിരിക്കുന്നത്.
ഈ പ്രദേശത്തെ നബിദിന ഘോഷയാത്ര മറ്റൊരു ദിവസത്തേക്ക് മാറ്റിവയ്ക്കണമെന്ന് ജില്ലാ കളക്ടര് നിര്ദ്ദേശം നല്കി. സ്ഥിതിഗതികള് വിലയിരുത്താന് ആരോഗ്യവകുപ്പ് ഡയറക്ടര് ഇന്ന് മലപ്പുറത്തെത്തും. തിരുവാലി പഞ്ചായത്തിലെ 4, 5, 6, 7 വാര്ഡുകള്, മമ്പാട് പഞ്ചായത്തിലെ 7-ാം വാര്ഡ് എന്നിവയാണ് കണ്ടൈന്മെന്റ് സോണായി ജില്ലാ കളക്ടര് വി.ആര്. വിനോദ് പ്രഖ്യാപിച്ചിരിക്കുന്നത്. ഈ സ്ഥലങ്ങളില് പ്രോട്ടോകോള് പ്രകാരമുള്ള നിയന്ത്രങ്ങള് ഉണ്ടാവും.
കഴിഞ്ഞ ദിവസം സ്വകാര്യ ആശുപത്രിയില് മരണമടഞ്ഞ ബെംഗളൂരുവിലെ വിദ്യാർഥിയായ 24കാരനാണ് നിപ വൈറസ് ബാധ സ്ഥിരീകരിച്ചത്. സ്വകാര്യ ആശുപത്രിയില് മരണമടഞ്ഞ യുവാവ് മസ്തിഷ്ക ജ്വരത്തിന്റെ ലക്ഷണങ്ങള് പ്രകടിപ്പിച്ചിരുന്നുവെന്ന് ബോധ്യപ്പെട്ടതിനെ തുടര്ന്ന് മെഡിക്കല് ഓഫീസര് നടത്തിയ ഡെത്ത് ഇന്വെസ്റ്റിഗേഷനിലാണ് നിപ വൈറസ് സംശയിച്ചത്. പിന്നീട് നടന്ന സാമ്പിൾ പരിശോധനയിലാണ് ഇയാൾക്ക് നിപ സ്ഥിരീകരിച്ചത്.
TAGS: NIPAH VIRUS | MALAPPURAM
SUMMARY: Malappuram Nipah death fever survey from today
WhatsApp
Telegram
